കൊറിയയിലേക്ക് വിസ വാഗ്ദാനം ചെയ്ത് തട്ടിപ്പ്: നാല് ലക്ഷത്തോളം രൂപ തട്ടിയെടുത്ത യുവാവിനെതിരെ കേസ്

By WebDesk OmegaDec 13, 2019, 12:33 IST

നീലേശ്വരം: (www.kasargodvartha.com 13.12.2019) കൊറിയയിലേക്ക് വിസ വാഗ്ദാനം ചെയ്ത് നാല് ലക്ഷത്തോളം രൂപ തട്ടിയെടുത്ത യുവാവിനെതിരെ കേസ്. നീലേശ്വരം കോട്ടപ്പുറത്തെ മുഹമ്മദ് ഷംനാസാണ് ചെറുവത്തൂര്‍ കൈതക്കാട്ടെ നിസാമുദ്ദീനെതിരെ(35) നീലേശ്വരം പൊലീസില്‍ പരാതി നല്‍കിയത്.

കൊറിയയിലേക്ക് ജോലി വാഗ്ദാനം ചെയ്ത് നിസാമുദ്ദീന്‍ മുഹമ്മദ് 2018 ആഗസ്ത് 23ന് ഷംനാസില്‍ നിന്നും 37,500 രൂപ വാങ്ങിയിരുന്നു. എന്നാല്‍ ഒരു വര്‍ഷം കഴിഞ്ഞിട്ടും വിസ ലഭിക്കാത്തതിനെ തുടര്‍ന്ന് ഷംനാസ് പണം തിരിച്ചു ചോദിച്ചപ്പേള്‍ നിസാമുദ്ദീന്‍ ഒഴിഞ്ഞുമാറുകയായിരുന്നു. ഇതോടെയാണ് ഷംനാസ് പൊലീസില്‍ പരാതി നല്‍കിയത്.