മഹേശ്വരി ക്ഷേത്രത്തില്‍ കവര്‍ച്ചാശ്രമം: പൊലീസ് അന്വേഷണം ആരംഭിച്ചു

നീലേശ്വരം: (www.kasargodvartha.com 19.12.2019) പേരോല്‍ വള്ളിക്കുന്ന് മഹേശ്വരി ക്ഷേത്രത്തില്‍ കവര്‍ച്ചാശ്രമം. ക്ഷേത്രത്തിലേക്കുള്ള പ്രധാന വാതിലിന്റെ പൂട്ടു പൊളിച്ച നിലയിലായിരുന്നു. ഈ വാതിലിനു 2 പൂട്ടുകളുണ്ട്. ആതില്‍ ഒന്നാണ് തകര്‍ത്തത്. ഓടാമ്പലിന്റെ ഭാഗം തകര്‍ത്ത നിലയിലായിരുന്നു. രണ്ടാമത്തെ ഓടാമ്പല്‍ മുറിക്കാന്‍ ശ്രമിച്ചെങ്കിലും അത് സാധ്യമായിരുന്നില്ല.


രാവിലെ ക്ഷേത്രത്തിലെത്തിയ വഴിപാട് ക്ലാര്‍ക്കാണ് പൂട്ടു പൊളിച്ചതായി കണ്ടത്. ഉടന്‍ ക്ഷേത്ര ഭാരവാഹികളെയും നാട്ടുകാരെയും വിവരം അറിയിക്കുകയായിരുന്നു. ഭാരവാഹികളും നാട്ടുകാരും ക്ഷേത്രപരിസരത്ത് പരിശോധന നടത്തിയെങ്കിലും എന്തെങ്കിലും നഷ്ടപ്പെട്ടതായി കണ്ടെത്തിയില്ല. ക്ഷേത്രം സെക്രട്ടറി കെ.രാജന്‍ നീലേശ്വരം പൊലീസില്‍ പരാതി നല്‍കിയിട്ടുണ്ട്. പൊലീസ് സ്ഥലത്തെത്തി അന്വേഷണം നടത്തി.