അമിതവേഗതയിലെത്തിയ ബസ് മറിഞ്ഞു; 18 പേര്‍ക്ക് പരിക്ക്

Whatsapp Group Whatsapp Channel

By Web Desk SUDec 6, 2019, 10:45 IST

മംഗളൂരു: (www.kasargodvartha.com 06.12.2019) അമിതവേഗതയിലെത്തിയ ബസ് മറിഞ്ഞ് 18 പേര്‍ക്ക് പരിക്കേറ്റു. ദക്ഷിണ കന്നഡ ബണ്ട്വാള്‍ അലങ്കാറില്‍ വ്യാഴാഴ്ച വൈകുന്നേരമാണ് അപകടമുണ്ടായത്. അമിതവേഗതയിലായിരുന്ന ബസ് അലങ്കാറിനടുത്തെത്തിയപ്പോള്‍ നിയന്ത്രണം നഷ്ടപ്പെട്ട് മറിയുകയായിരുന്നു.

കൊല്ലൂരില്‍ നിന്ന് മംഗളൂരുവിലേക്ക് വരികയായിരുന്ന ബസ് ആണ് അപകടത്തില്‍ പെട്ടത്. ഡ്രൈവറുടെ അശ്രദ്ധയാണ് അപകടകാരണമെന്നാണ് നിഗമനം. പരിക്കേറ്റവരില്‍ ഗാന്ധിനഗര്‍ നിവാസിയായ സുമയ്ക്ക് ഗുരുതരമാണ്. ഇവരെ സ്വകാര്യ ആശുപത്രിയില്‍ പ്രവേശിപ്പിച്ചു.

പോലീസ് ഇന്‍സ്‌പെക്ടര്‍ ദിനേശ് കുമാറിന്റെയും ഉദ്യോഗസ്ഥരുടെയും നാട്ടുകാരുടെയും സഹായത്തോടെയാണ് രക്ഷാപ്രവര്‍ത്തനം നടത്തിയത്. സംഭവത്തില്‍ മൂഡ്ബിദ്രി പോലീസ് കേസെടുത്തു.