കാണാതായ വീട്ടമ്മ കുളത്തില്‍ മരിച്ച നിലയില്‍

കുണ്ടംകുഴി: (www.kasargodvartha.com 28.12.2019) കാണാതായ വീട്ടമ്മയെ കുളത്തില്‍ മരിച്ച നിലയില്‍ കണ്ടെത്തി. കുണ്ടംകുഴി വേളാഴിയിലെ രാജന്റെ ഭാര്യ നിര്‍മ്മല (45)യെയാണ് വീടിന് ഒരു കിലോമീറ്റര്‍ അകലെയുള്ള കരിങ്കോല്‍ എന്ന പ്രദേശത്തെ തോട്ടത്തിലുള്ള കുളത്തില്‍ മരിച്ച നിലയില്‍ കണ്ടെത്തിയത്. വ്യാഴാഴ്ച പുലര്‍ച്ചെയാണ് നിര്‍മ്മലയെ കാണാതായത്. വീട്ടുകാര്‍ ഉണര്‍ന്നപ്പോഴാണ് നിര്‍മ്മലയെ കാണാനില്ലായിരുന്നു.

തുടര്‍ന്ന് പല സ്ഥലങ്ങളിലും അന്വേഷിച്ചുവരുന്നതിനിടെയാണ് ശനിയാഴ്ച പുലര്‍ച്ചെ കുളത്തില്‍ മരിച്ച നിലയില്‍ കണ്ടെത്തിയത്. വിവരമറിഞ്ഞ് ബേഡകം പോലീസ് സ്ഥലത്തെത്തി മൃതദേഹം ഇന്‍ക്വസ്റ്റ് നടത്തി. പരേതനായ കുട്ടുമ്മന്‍-കുഞ്ഞമ്മ ദമ്പതികളുടെ മകളാണ്. ഏക മകള്‍ ലിനരാജ് (വിദ്യാര്‍ത്ഥിനി). സഹോദരങ്ങള്‍: നാരായണന്‍, ഗോപാലന്‍, കൃഷ്ണന്‍, രാമചന്ദ്രന്‍, പ്രഭാകരന്‍, കാര്‍ത്ത്യായനി.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: Kasaragod, Kerala, news, Death, Obituary, House-wife, Kundamkuzhi, House-wife found dead hanged
  < !- START disable copy paste -->