കുഞ്ഞിനെ വിഷം കൊടുത്ത് കൊലപ്പെടുത്തിയ കേസ്; മാതാവ് ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കി

By Web Desk - MainNov 19, 2019, 16:08 IST

കാസര്‍കോട്: (www.kasargodvartha.com 19.11.2019) രണ്ടുവയസുള്ള കുഞ്ഞിനെ വിഷം കൊടുത്ത് കൊലപ്പെടുത്തിയ കേസില്‍ മാതാവ് ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കി. പെരുമ്പളക്കടവ് റോഡില്‍ വാടക ക്വാര്‍ട്ടേഴ്സില്‍ താമസിക്കുന്ന റുമൈസ (18)യാണ് അഭിഭാഷകന്‍ മുഖേന ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കിയത്. കഴിഞ്ഞ മാസം 20നാണ് രണ്ടു വയസുള്ള മകള്‍ മിസ്ബയെ വിഷം കൊടുത്ത് കൊലപ്പെടുത്തിയ ശേഷം റുമൈസയും വിഷം കഴിച്ചത്. ഗുരുതരാവസ്ഥയ റുമൈസ ഇപ്പോഴും ആശുപത്രിയില്‍ ചികിത്സയിലാണ്.

കുഞ്ഞിനെ വിഷം കൊടുത്ത് കൊലപ്പെടുത്തിയ കേസ്; മാതാവ് ഹൈക്കോടതിയില്‍ മുന്‍കൂര്‍ ജാമ്യാപേക്ഷ നല്‍കി

അന്വേഷണത്തിനൊടുവില്‍ പോലീസ് റുമൈസയ്‌ക്കെതിരെ കൊലക്കുറ്റത്തിന് കേസെടുക്കുകയായിരുന്നു. റുമൈസ ആശുപത്രിയിലായതിനാല്‍ ഇവരുടെ അറസ്റ്റ് പോലീസ് രേഖപ്പെടുത്തിയിട്ടില്ല. യുവതി മുന്‍കൂര്‍ ജാമ്യാപേക്ഷ നല്‍കിയതോടെ ഹൈക്കോടതി ആവശ്യപ്പെട്ടതനുസരിച്ച് കേസന്വേഷണം നടത്തുന്ന വിദ്യാനഗര്‍ പൊലീസ് ഹൈക്കോടതിയില്‍ റിപ്പോര്‍ട്ട് ഉടന്‍ സമര്‍പ്പിക്കും.