കെ എസ് ആര്‍ ടി സി ബസ് നിയന്ത്രണംവിട്ട് വീട്ടുമതിലിലേക്ക് പാഞ്ഞുകയറി

By Web Desk - MainNov 4, 2019, 10:30 IST

കാഞ്ഞങ്ങാട്: (www.kasargodvartha.com 04.11.2019) കെ എസ് ആര്‍ ടി സി ബസ് നിയന്ത്രണംവിട്ട് വീട്ടുമതിലിലേക്ക് പാഞ്ഞുകയറി. അപകടത്തില്‍ നിരവധി പേര്‍ക്ക് നിസാര പരിക്കേറ്റു. കോട്ടയത്തു നിന്നും പാണത്തൂരിലേക്ക് വരികയായിരുന്ന ബസാണ് കൊവ്വല്‍ പള്ളിക്കു സമീപം അപകടത്തില്‍പെട്ടത്. ഹൈദര്‍ എന്നയാളുടെ വീട്ടിലേക്കാണ് ബസ് പാഞ്ഞുകയറിയത്.

തിങ്കളാഴ്ച പുലര്‍ച്ചെ 4.50 മണിയോടെയാണ് സംഭവം. നിരവധി വൈദ്യുത പോസ്റ്റുകളടക്കം തകര്‍ത്ത് വീട്ടുമതിലിലിടിച്ചാണ് ബസ് നിന്നത്. ഭാഗ്യം കൊണ്ടാണ് വന്‍ ദുരന്തം ഒഴിവായത്. പരിക്കേറ്റവരെ ജില്ലാശുപത്രിയിലേക്കു മാറ്റി.