കാട്ടാനകള്‍ നാട്ടിലിറങ്ങി; വാഴകളും സ്പ്രിങ്ക്‌ളറുകളും തകര്‍ത്തു

Whatsapp Group Whatsapp Channel

By Web Desk - MainNov 13, 2019, 17:02 IST

കുറ്റിക്കോല്‍: (www.kasargodvartha.com 13.11.2019) കാട്ടാനകള്‍ നാട്ടിലിറങ്ങി വ്യാപകമായ നാശനഷ്ടം വരുത്തി. കുറ്റിക്കോല്‍ ബേത്തൂര്‍പാറ ഊവ്വടിയിലെ കെ സുലോചനയുടെ കവുങ്ങിന്‍തോട്ടത്തിലെ നൂറോളം വാഴകളും സ്പ്രിങ്ക്‌ളറുകളും തകര്‍ത്തു. ചൊവ്വാഴ്ച രാത്രി 11 മണിയോടെയാണ് ഒമ്പതോളം കാട്ടാനക്കൂട്ടം വ്യാപകമായ നാശം വിതച്ചത്. കാട്ടാനകളുടെ ശല്യം കാരണം ഈ പ്രദേശത്തെ ജനങ്ങള്‍ കടുത്ത ദുരിതമനുഭവിക്കുകയാണ്.

കാട്ടാനകള്‍ നാട്ടിലിറങ്ങുന്നത്് തടയാനുള്ള നടപടികള്‍ വനംവകുപ്പിന്റെ ഭാഗത്തു നിന്നും ഉണ്ടാകുന്നില്ലെന്നാണ് പരാതി. തെങ്ങുകളും കവുങ്ങുകയും വാഴകളും ഇടയ്ക്കിടെ എത്തുന്ന കാട്ടാനക്കൂട്ടം തകര്‍ക്കുന്നതുമൂലം നിരവധി കര്‍ഷകരാണ് ദുരിതത്തിലായിരിക്കുന്നത്.