ലോറിയിലിടിക്കാതിരിക്കാന്‍ വെട്ടിച്ച ടാങ്കര്‍ ലോറി നിയന്ത്രണംവിട്ട് മറിഞ്ഞ് 2 പേര്‍ക്ക് പരിക്ക്

കുമ്പള: (www.kasargodvartha.com 05.07.2019) ലോറിയിലിടിക്കാതിരിക്കാന്‍ വെട്ടിച്ച ടാങ്കര്‍ ലോറി നിയന്ത്രണംവിട്ട് മറിഞ്ഞ് രണ്ടു പേര്‍ക്ക് പരിക്കേറ്റു. വെള്ളിയാഴ്ച പുലര്‍ച്ച കുമ്പള മാവിനക്കട്ടയിലാണ് അപകടമുണ്ടായത്. ലോറി ജീവനക്കാരായ കര്‍ണാടകയിലെ നവീന്‍ (35), സുകേഷ് (43) എന്നിവര്‍ക്കാണ് പരിക്കേറ്റത്. കര്‍ ണാടകയില്‍ നിന്ന് ഡീസലുമായി കോഴിക്കോട്ടേക്ക് പോവുകയായിരുന്നു ടാങ്കര്‍ ലോറി.

കാസര്‍കോട് ഭാഗത്ത് നിന്ന് ദിശതെറ്റി വന്ന ലോറിയില്‍ ഇടിക്കാതിരിക്കാന്‍ വെട്ടിച്ചപ്പോഴാണ് നിയന്ത്രണം വിട്ട് ടാങ്കര്‍ ലോറി റോഡിന്റെ ഒരു ഭാഗത്തേക്ക് മറിഞ്ഞത്. 3,000 ലിറ്റര്‍ സീസല്‍ റോഡിലേക്ക് ഒലിച്ച് പോയി. വിവരമറിഞ്ഞ് ഉപ്പളയില്‍ നിന്നെത്തിയ ഫയര്‍ഫോസ് സംഘം വെള്ളം ചീറ്റി റോഡിലേക്ക് ഒഴുകിയ ഡീസല്‍ വൃത്തിയാക്കി.