കള്ളുഷാപ്പില്‍ കയറിയ മോഷ്ടാക്കള്‍ കള്ളുംമോന്തി ഭക്ഷണവും കഴിച്ച് സ്ഥലംവിട്ടു, കവര്‍ന്ന പണത്തില്‍ നിന്നും 100 രൂപ ടിപ്പും വെച്ചു

By Web Desk - MainJul 15, 2019, 11:52 IST

തൃക്കരിപ്പൂര്‍: (www.kasargodvartha.com 15.07.2019) കള്ളുഷാപ്പില്‍ കയറിയ മോഷ്ടാക്കള്‍ കള്ളുംമോന്തി ഭക്ഷണവും കഴിച്ച് സ്ഥലംവിട്ടു. തൃക്കരിപ്പൂരിലെ നടക്കാവിലെ കള്ളുഷാപ്പിലാണ് കഴിഞ്ഞ ദിവസം കവര്‍ച്ച നടന്നത്. മേശവലിപ്പില്‍ നിന്നും മോഷ്ടിച്ച ആയിരം രൂപയില്‍ നിന്നും 100 രൂപ ടിപ്പും വെച്ചാണ് സംഘം മടങ്ങിയത്.

സംഭവത്തില്‍ ഉടമയുടെ പരാതിയില്‍ ചന്തേര പോലീസ് കേസെടുത്ത് അന്വേഷണം ആരംഭിച്ചു. ഷാപ്പിനെക്കുറിച്ച് നല്ല നിശ്ചയമുള്ളവരാണ് മോഷണത്തിനു പിന്നിലെന്നാണ് സംശയിക്കുന്നത്.