കാണാതായ വയോധികയെ രണ്ടു ദിവസത്തിനു ശേഷം പുഴയില്‍ മരിച്ച നിലയില്‍ കണ്ടെത്തി; പുല്ലരിയാന്‍ പോയപ്പോള്‍ അപകടത്തില്‍പെട്ടതാകതാമെന്ന് സംശയം

തൃക്കരിപ്പൂര്‍: (www.kasargodvartha.com 09.07.2019) കാണാതായ വയോധികയെ രണ്ടു ദിവസത്തിനു ശേഷം പുഴയില്‍ മരിച്ച നിലയില്‍ കണ്ടെത്തി. പുല്ലരിയാന്‍ പോയപ്പോള്‍ അപകടത്തില്‍പെട്ടതാകതാമെന്നാണ് സംശയിക്കുന്നത്. തൃക്കരിപ്പൂരിലെ തങ്കയം ചെറുകാനത്തെ പാലായി കുഞ്ഞിപ്പാറു (70) വിനെയാണ് തട്ടാര്‍കടവ് റോഡ് പാലത്തിനു തെക്കുവശം കണിയാന്‍ കുണ്ട് ശ്മശാനത്തിനു സമീപം പുഴയില്‍ മരിച്ച നിലയില്‍ കണ്ടെത്തിയത്.

പരേതനായ ഓലക്കാരന്‍ കുഞ്ഞപ്പുവിന്റെ ഭാര്യയാണ്. മക്കള്‍: ശോഭ, ഭവാനി. മരുമക്കള്‍: രാമദാസ്, ബാലകൃഷ്ണന്‍. സഹോദരങ്ങള്‍: പാലായി കൃഷ്ണന്‍, നാരായണി, മാണിക്കം, അമ്പുക്കുഞ്ഞി, മാധവി.