മദ്യപാനം എതിര്‍ത്തതിന് അഞ്ചംഗ സംഘം ക്വാര്‍ട്ടേഴ്‌സില്‍ അതിക്രമിച്ചുകയറി ഗൃഹനാഥനെയും ഭാര്യയെയും മര്‍ദിച്ചു; പോലീസ് വധശ്രമത്തിന് കേസെടുത്തു

മഞ്ചേശ്വരം: (www.kasargodvartha.com 08.07.2019) മദ്യപാനം എതിര്‍ത്തതിന് അഞ്ചംഗ സംഘം ക്വാര്‍ട്ടേഴ്‌സില്‍ അതിക്രമിച്ചുകയറി ഗൃഹനാഥനെയും ഭാര്യയെയും മര്‍ദിച്ചു. സംഭവത്തില്‍ അഞ്ചു പേര്‍ക്കെതിരെ വധശ്രമത്തിന് പോലീസ് കേസെടുത്തു. ആദൂര്‍ പള്ളപ്പാടി സ്വദേശിയും അംഗടിപ്പദവ് എച്ച് പി ഗ്യാസ് എജന്‍സിക്ക് സമീപത്തെ ക്വാര്‍ട്ടേഴ്സില്‍ താമസക്കാരനുമായ സയ്യിദ് സര്‍ഫുദ്ദീന്‍ തങ്ങള്‍ (36), ഭാര്യ സ്വാലിഹ (31) എന്നിവരാണ് മര്‍ദനത്തിനിരയായത്.

ഞായറാഴ്ച രാത്രിയാണ് സംഭവം. ക്വാര്‍ട്ടേഴ്‌സിന് സമീപം ഒരു സംഘം മദ്യപിച്ച് ബഹളം വെക്കുകയും മദ്യക്കുപ്പികള്‍ വലിച്ചെറിയുകയും ചെയ്തതോടെ ഇതിനെ ചോദ്യം ചെയ്തിരുന്നു. ഇതിന്റെ വിരോധത്തില്‍ ക്വാര്‍ട്ടേഴ്‌സില്‍ അതിക്രമിച്ചെത്തിയ സംഘം അക്രമം അഴിച്ചുവിടുകയായിരുന്നുവെന്ന് സര്‍ഫുദ്ദീന്‍ പരാതിപ്പെട്ടു. അടിയേറ്റ് കൈക്കും തലയ്ക്കും സര്‍ഫുദ്ദീന് പരിക്കേറ്റിട്ടുണ്ട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Manjeshwaram, Top-Headlines, Assault, Crime, Man and wife attacked by Gang
  < !- START disable copy paste -->