അനാഥാശ്രമത്തില്‍ ഭക്ഷണം വിതരണം ചെയ്തും പൊട്ടിപ്പൊളിഞ്ഞ റോഡുകളിലെ കുഴികള്‍ നികത്തിയും യാത്രക്കാര്‍ക്ക് മധുരം വിതരണം ചെയ്തും പത്താം സ്ഥാപക ദിനം ആഘോഷിച്ച് എസ് ഡി പി ഐ

മഞ്ചേശ്വരം: (www.kasargodvartha.com 22.06.2019) സോഷ്യല്‍ ഡെമോക്രാറ്റിക് പാര്‍ട്ടി ഓഫ് ഇന്ത്യയുടെ സ്ഥാപക ദിനത്തോടനുബന്ധിച്ച് മഞ്ചേശ്വരം മണ്ഡലം കമ്മിറ്റിയുടെ നേതൃത്വത്തില്‍ ഹൊസങ്കടി ടൗണില്‍ മധുര പലഹാര വിതരണവും ഹൊസങ്കടി മുതല്‍ തലപ്പാടി വരെയുള്ള പൊട്ടിപൊളിഞ്ഞ റോഡുകളിലെ കുഴികള്‍ നികത്തിയും വോര്‍ക്കാടി ദൈഗോളി സത്യസായി അനാഥാശ്രമത്തിലെ അന്തേവാസികള്‍ക്ക് ഭക്ഷണവും നല്‍കി വിപുലമായി ആഘോഷിച്ചു.

പന്ത്രണ്ട് വര്‍ഷത്തോളമായി ആശ്രമം നടത്തുന്ന ഡോ. ഉദയകുമാര്‍, ഡോ. ശാരദ ഉദയകുമാര്‍ എന്നിവരെ ജില്ലാ വൈസ് പ്രസിഡണ്ട് ഇഖ്ബാല്‍ ഹൊസങ്കടി ആദരിച്ചു. പരിപാടിയില്‍ ഇഖ്ബാല്‍ പോസോട്ട് സ്വാഗതം പറഞ്ഞു. അന്‍സാര്‍ ഗാന്ധി നഗര്‍ അധ്യക്ഷത വഹിച്ചു. ഹമീദ് ഹൊസങ്കടി പ്രഭാഷണം നടത്തി. ഹാരിസ് ഉദ്യാവര്‍, മജീദ് വോര്‍ക്കാടി എന്നിവര്‍ സംബന്ധിച്ചു. മുബാറക്ക് കടമ്പാര്‍ നന്ദി പറഞ്ഞു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Manjeshwaram, Top-Headlines, SDPI, SDPI foundation day celebrated
  < !- START disable copy paste -->