വളര്‍ത്തുപക്ഷിക്ക് തീറ്റ നല്‍കി വാതിലടയ്ക്കാന്‍ മറന്നു; വീട്ടില്‍ കള്ളന്‍ കയറി സ്വര്‍ണാഭരണങ്ങള്‍ കവര്‍ന്നു

പടന്ന: (www.kasargodvartha.com 30.06.2019) മുകളിലെ നിലയിലെ ബാല്‍ക്കണിയിലെ വളര്‍ത്തുപക്ഷിക്ക് തീറ്റ നല്‍കി വാതിലടയ്ക്കാന്‍ മറന്നു. അകത്തു കടന്ന മോഷ്ടാവ് സ്വര്‍ണാഭരണങ്ങള്‍ കവര്‍ച്ച ചെയ്ത് രക്ഷപ്പെട്ടു. പടന്ന ഹൈസ്‌കൂളിന് സമീപത്തെ യു സി ഫാത്വിമാബിയുടെ വീട്ടിലാണ് കവര്‍ച്ച നടന്നത്. അഞ്ച് പവന്റെ സ്വര്‍ണാഭരണങ്ങള്‍ നഷ്ടപ്പെട്ടു.

കഴിഞ്ഞദിവസം രാത്രി 11.30 മണിയോടെയാണ് സംഭവമെന്നാണ് പരാതി. വീട്ടിലെ മുകള്‍നിലയില്‍നിന്ന് മോഷ്ടാവിന്റെ ശബ്ദംകേട്ട് വീട്ടുകാര്‍ ബന്ധുക്കളെ ഫോണില്‍ വിവരമറിയിക്കുകയായിരുന്നു. ആളുകള്‍ എത്തുമ്പോഴേക്കും മോഷ്ടാവ് താഴേക്കുചാടി രക്ഷപ്പെട്ടു. മുകള്‍നിലയിലെ രണ്ട് മുറികളിലാണ് മോഷ്ടാവ് കയറിയത്. അലമാരയിലുള്ള സാധനങ്ങള്‍ വാരിവലിച്ചിട്ടനിലയിലാണ്.