ക്വാറിക്കെതിരെ സമരം നടത്തുന്ന രണ്ടു പേരെ പോലീസിനെ ആക്രമിച്ച കേസില്‍ അറസ്റ്റു ചെയ്തു

പരപ്പ: (www.kasargodvartha.com 03.06.2019) മുണ്ടത്തടം കരിങ്കല്‍ ക്വാറി വിരുദ്ധ സമരം നടത്തുന്ന രണ്ടുപേരെ പോലീസിനെ അക്രമിച്ച സംഭവത്തില്‍ അറസ്റ്റ് ചെയ്തു. സമരസമിതി പ്രവര്‍ത്തകരായ രാമന്‍, സജിത്ത് എന്നിവരെയാണ് തിങ്കളാഴ്ച രാവിലെ വെള്ളരിക്കുണ്ട് സി ഐ അറസ്റ്റ് ചെയ്തത്. കഴിഞ്ഞ ദിവസം ക്വാറിയിലേക്ക് സാധന സാമഗ്രികള്‍ കൊണ്ടുവരികയായിരുന്ന ലോറി തടഞ്ഞവരെ നീക്കം ചെയ്യുന്നതിനിടയില്‍ പോലീസുകാരുടെ ഔദ്യോഗിക കൃത്യനിര്‍വ്വഹണം തടസപ്പെടുത്തുകയും പോലീസുകാരിയെ കടിച്ചുപരിക്കേല്‍പ്പിക്കുകയും ചെയ്ത സംഭവത്തിലാണ് ഇരുവരെയും അറസ്റ്റ് ചെയ്തത്.

ക്വാറി നടത്താന്‍ ഉടമക്ക് ഹൈക്കോടതി ഉത്തരവുള്ളതിനാല്‍ വന്‍ പോലീസ് കാവലില്‍ ക്വാറി പ്രവര്‍ത്തനമാരംഭിച്ചു. ഇവിടെ നിന്നും ജില്ലികള്‍ ലോറിയില്‍ കൊണ്ടുപോകാനും തുടങ്ങി. അതേ സമയം ക്വാറിക്ക് സമീപം ക്വാറി വിരുദ്ധ സമിതി നടത്തുന്ന രാപ്പകല്‍ സമരത്തിന് ജനപിന്തുണ ഏറിയിട്ടുണ്ട്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Attack, case, arrest, Police, Top-Headlines, 2 protesters arrested on attacking case
  < !- START disable copy paste -->