പെട്രോള്‍ പമ്പില്‍ വെച്ച് യുവാവിനെ പേര് ചോദിച്ച് അക്രമിച്ച കേസില്‍ ഒരാള്‍ അറസ്റ്റില്‍

കാസര്‍കോട്: (www.kasargodvartha.com 30.05.2019) പെട്രോള്‍ പമ്പില്‍ വെച്ച് യുവാവിനെ പേര് ചോദിച്ച് അക്രമിച്ച കേസില്‍ ഒരാളെ പോലീസ് അറസ്റ്റു ചെയ്തു. അണങ്കൂര്‍ ഓള്‍ഡ് റോഡിലെ അഭിഷേകിനെ (22) യാണ് കാസര്‍കോട് പ്രിന്‍സിപ്പല്‍ എസ് ഐ ഷാജി പട്ടേരിയുടെ നേതൃത്വത്തിലുള്ള പോലീസ് സംഘം അറസ്റ്റു ചെയ്തത്. നെല്ലിക്കുന്ന് ബീച്ച് റോഡ് ഫിര്‍ദൗസ് നഗറിലെ സിറാജുദ്ദീന്‍ (21)ആണ് അക്രമത്തിനിരയായത്.

ഇക്കഴിഞ്ഞ തിങ്കളാഴ്ച വൈകിട്ട് 5.30 മണിയോടെയാണ് സംഭവം നടന്നത്. കറന്തക്കാട് പെട്രോള്‍ പമ്പില്‍ വെച്ച് കാറിലെത്തിയ രണ്ടംഗ സംഘം ബൈക്കില്‍ പെട്രോളടിക്കാനെത്തിയ സിറാജുദ്ദീനെ പേര് ചോദിച്ച് ആക്രമിക്കുകയായിരുന്നു. അറസ്റ്റിലായ അഭിഷേക് നേരത്തെ രണ്ട് കേസുകളില്‍ പ്രതിയാണെന്ന് പോലീസ് പറഞ്ഞു. കൂട്ടുപ്രതിക്കായി പോലീസ് അന്വേഷണം നടത്തിവരികയാണ്.