മത്സ്യത്തൊഴിലാളിയുടെ വല സാമൂഹ്യ വിരുദ്ധര്‍ തീയിട്ടു നശിപ്പിച്ചു

By Web Desk - MainJan 12, 2019, 12:24 IST

മേല്‍പറമ്പ്: (www.kasargodvartha.com 12.01.2019) മത്സ്യത്തൊഴിലാളിയുടെ വല സാമൂഹ്യ വിരുദ്ധര്‍ തീയിട്ട് നശിപ്പിച്ചു. കീഴൂരിലെ മത്സ്യത്തൊഴിലാളിയായ റംപ്പണി റഷീദിന്റെ വലയാണ് സാമൂഹ്യ വിരുദ്ധര്‍ തീയിട്ടു നശിപ്പിച്ചത്. ചെമ്പരിക്ക ഒതോത്ത് കടപ്പുറത്ത് വെച്ചാണ് സംഭവം. ഒരു ലക്ഷം രൂപയുടെ നഷ്ടം സംഭവിച്ചു.

സംഭവം സംബന്ധിച്ച് റഷീദ് ബേക്കല്‍ പോലീസില്‍ പരാതി നല്‍കി. നാട്ടുകാരില്‍ പ്രതിഷേധം ശക്തമാണ്. പ്രതികളെ എത്രയും വേഗം പിടികൂടണമെന്നാണ് നാട്ടുകാരുടെ ആവശ്യം.