വാക്കുതര്‍ക്കം തടയാന്‍ ചെന്ന വ്യാപാരിക്ക് മര്‍ദനം

ഉപ്പള: (www.kasargodvartha.com 07.12.2018) വാക്കുതര്‍ക്കം തടയാന്‍ ചെന്ന വ്യാപാരിയെ മര്‍ദിച്ചു പരിക്കേല്‍പിച്ചതായി പരാതി. ഉപ്പള ടൗണിലെ വ്യാപാരി പെരിങ്കടിയിലെ അബ്ദുല്‍ മുനീര്‍ (28) ആണ് അക്രമത്തിനിരയായത്. പരിക്കേറ്റ മുനീറിനെ കുമ്പള സഹകരണാശുപത്രിയില്‍ പ്രവേശിപ്പിച്ചു. വ്യാഴാഴ്ച രാത്രി 10.30 മണിയോടെയാണ് സംഭവം.

പെരിങ്കടിയിലെ ഹോട്ടലില്‍ നിന്നും ഭക്ഷണം കഴിച്ചുകൊണ്ടിരിക്കെ വാക്കുതര്‍ക്കമുണ്ടാകുന്നത് ശ്രദ്ധയില്‍പെട്ടതോടെ ഇത് തടയാന്‍ ചെല്ലുകയായിരുന്നുവെന്നും ഇതിനിടെ ചോദിക്കാന്‍ താനാരാണെന്ന് ചോദിച്ച് ഒരു സംഘം ഇരുമ്പുവടി കൊണ്ട് ആക്രമിക്കുകയായിരുന്നുവെന്നും ആശുപത്രിയില്‍ കഴിയുന്ന മുനീര്‍ പരാതിപ്പെട്ടു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Uppala, Assault, Attack, Crime, Merchant assaulted by gang
  < !- START disable copy paste -->