സ്‌കൂട്ടിയില്‍ ബൈക്കിടിച്ച് ഹെല്‍ത്ത് നഴ്സിന് പരിക്ക്

കാഞ്ഞങ്ങാട്: (www.kasargodvartha.com 06.12.2018) സ്‌കൂട്ടിയില്‍ ബൈക്കിടിച്ച് ഹെല്‍ത്ത് നേഴ്സിന് പരിക്കേറ്റു. ആനന്ദാശ്രമം പിഎച്ച്സിയിലെ ഹെല്‍ത്ത് നഴ്സ് മടിക്കൈ അടുക്കത്ത് പറമ്പിലെ വികെ ഉണ്ണികൃഷ്ണന്റെ ഭാര്യ എം പി സീമ(32)ക്കാണ് പരിക്കേറ്റത്. കഴിഞ്ഞദിവസം മടിക്കൈ  ബെസ്‌കോര്‍ട്ടിന് സമീപം സീമ സഞ്ചരിച്ച കെ എല്‍ 60- 6463 നമ്പര്‍ സ്‌കൂട്ടിയില്‍ ബല്ലയിലെ സരസന്‍ ഓടിച്ച കെ എല്‍ 60 -7047 നമ്പര്‍ മോട്ടര്‍സൈക്കിള്‍ ഇടിക്കുകയായിരുന്നു.

ഇടിയുടെ ആഘാതത്തില്‍ നിന്നും തെറിച്ചുവീണ് സീമയുടെ കാലിന് ഗുരുതരമായി പരിക്കേറ്റു. ആശുപത്രിയില്‍ ചികിത്സയില്‍ കഴിയുന്ന സീമയുടെ പരാതിയില്‍ പോലീസ് സരസന്റെ പേരില്‍ കേസെടുത്തു.