കരക്കടുപ്പിക്കുന്നതിനിടെ കൂറ്റന്‍ തിരയെത്തി തോണിയെ മറിച്ചിട്ടു; തോണിക്കടിയില്‍പെട്ട് മത്സ്യത്തൊഴിലാളിക്ക് ഗുരുതരം

കാഞ്ഞങ്ങാട്: (www.kasargodvartha.com 27.12.2018) കരക്കടുപ്പിക്കുന്നതിനിടെ കൂറ്റന്‍ തിരയെത്തി തോണിയെ മറിച്ചിട്ടതിനെ തുടര്‍ന്ന് തോണിക്കടിയില്‍പെട്ട് മത്സ്യത്തൊഴിലാളിക്ക് ഗുരുതരമായി പരിക്കേറ്റു. മീനാപ്പീസ് കടപ്പുറത്തെ വേണു (60)വിനാണ് സാരമായി പരിക്കേറ്റത്. വേണുവിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചു. വേണുവിനൊപ്പമുണ്ടായിരുന്ന മറ്റു രണ്ടു പേര്‍ നിസാര പരിക്കുകളോടെ രക്ഷപ്പെട്ടു.

കഴിഞ്ഞ ദിവസം മീനാപ്പീസ് കടപ്പുറത്തു വെച്ചാണ് സംഭവം. ഖാദറിന്റെ ഉടമസ്ഥതയിലുള്ള 'യത്തീം മക്കള്‍' എന്ന തോണിയില്‍ മീന്‍ പിടിക്കാന്‍ പോയതായിരുന്നു വേണുവും സംഘവും. മീന്‍ പിടിത്തം കഴിഞ്ഞ് കരയിലേക്ക് തോണി അടുപ്പിക്കുന്നതിനിടെ കൂറ്റന്‍ തിര വന്ന് തോണിയെ മറിച്ചിടുകയായിരുന്നു. ഇതിനടിയില്‍പെട്ടാണ് വേണുവിന് പരിക്കേറ്റത്.

Photo: File