ഡിസംബര്‍ 6 എല്‍ ഡി എഫ് മതസൗഹാര്‍ദ ദിനം; കാസര്‍കോട്ട് അഞ്ചിടങ്ങളില്‍ മതേതര സദസ്

കാസര്‍കോട്: (www.kasargodvartha.com 05.12.2018) അയോധ്യയില്‍ ഹിന്ദുധര്‍മസഭയുടെ മറവില്‍ ബിജെപി, സംഘ്പരിവാര്‍ വര്‍ഗീയ ധ്രൂവീകരണം ലക്ഷ്യമാക്കി നടത്തിവരുന്ന ഗൂഢനീക്കങ്ങള്‍ക്കെതിരെ എല്‍ഡിഎഫ് വ്യാഴാഴ്ച മതസൗഹാര്‍ദ ദിനമായി ആചരിക്കും. ജില്ലയിലെ അഞ്ച് നിയമസഭാ മണ്ഡലങ്ങളിലും  വൈകിട്ട് നാലിന് മതേതര സദസ് സംഘടിപ്പിക്കും.

കാലിക്കടവില്‍ പി കരുണാകരന്‍ എംപിയും കാഞ്ഞങ്ങാട് സിപിഐ ജില്ലാ സെക്രട്ടറി ഗോവിന്ദന്‍ പള്ളിക്കാപ്പിലും ചട്ടഞ്ചാലില്‍ സിപിഎം ജില്ലാ സെക്രട്ടറി എം വി ബാലകൃഷ്ണനും കാസര്‍കോട് പുതിയ ബസ് സ്റ്റാന്‍ഡില്‍ എല്‍ഡിഎഫ് ജില്ലാ കണ്‍വീനര്‍ കെ പി സതീഷ്ചന്ദ്രനും ഉദ്ഘാടനം ചെയ്യും. മഞ്ചേശ്വരത്ത് കുഞ്ചത്തൂരിലാണ് പരിപാടി.