ദേശീയ സ്റ്റുഡന്റ്‌സ് ഒളിംപിക്സ്; മികവു തെളിയിച്ച് കാസര്‍കോട്ടെ വിദ്യാര്‍ത്ഥികള്‍, ലോംഗ്ജമ്പിലും ജാവലിന്‍ത്രോയിലും ജുബൈറിനും ജയരാജിനും വെള്ളി, റിലേയില്‍ കേരള ടീമിന് വെള്ളി

കാസര്‍കോട്: (www.kasargodvartha.com 26.11.2018) ഗുജറാത്തിലെ ഗോധ്ര സ്‌പോര്‍ട്‌സ് കോംപ്ലക്‌സില്‍ വെച്ച് നടന്ന ദേശീയ സ്റ്റുഡന്റ്‌സ് ഒളിംപിക്സില്‍ മികവു തെളിയിച്ച് കാസര്‍കോട്ടെ വിദ്യാര്‍ത്ഥികള്‍. ലോംഗ്ജമ്പിലും ജാവലിന്‍ത്രോയിലും കാസര്‍കോട് സ്വദേശികളായ ജുബൈറും ജയരാജും വെള്ളി മെഡല്‍ കരസ്ഥമാക്കി. 4x400 റിലേയില്‍ കേരള ടീമിന് വെള്ളി ലഭിക്കുകയും ചെയ്തു.

25 വയസിന് താഴെയുള്ള ആണ്‍കുട്ടികുളടെ വിഭാഗത്തിലാണ് കുമ്പള മാവിനക്കട്ടയിലെ മുഹമ്മദ് കുഞ്ഞി- ഖൈറുന്നിസ ദമ്പതികളുടെ മകനായ എം കെ അഹ് മദ് ജുബൈര്‍ മത്സരിച്ചത്. ബേള കീലിംഗറിലെ സോമപ്പ- ഭവാനി ദമ്പതികളുടെ മകനാണ് ജയരാജ്. കോഴിക്കോട് ഗവണ്‍മെന്റ് കോളജ് ഓഫ് ഫിസിക്കല്‍ എഡ്യൂക്കേഷന്‍ ഈസ്റ്റ്ഹിലിലെ ബി പി എഡ് രണ്ടാം വര്‍ഷ വിദ്യാര്‍ത്ഥികളാണ് ഇരുവരും. ജുബൈര്‍ ജി എച്ച് എസ് എസ് കുമ്പളയിലെ പൂര്‍വ്വ വിദ്യാര്‍ത്ഥിയും ജയരാജ് ജി എച്ച് എസ് എസ് അംഗടിമുഗറിലെ പൂര്‍വ്വ വിദ്യാര്‍ത്ഥിയുമാണ്.

ജുബൈറിന്റെയും ജയരാജിന്റെയും നേതൃത്വത്തില്‍ മത്സരിച്ച റിലേയ്ക്കാണ് വെള്ളി നേടാനായത്. ആകാശ്, അക്ഷയ് (കോഴിക്കോട്) എന്നിവര്‍ ടീമിലെ മറ്റു അംഗങ്ങളായിരുന്നു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Top-Headlines, National, Sports, Students, National Students Olympics; Students from Kasaragod got 2 Silvers
  < !- START disable copy paste -->