സുരേഷ്‌ഗോപി തിങ്കളാഴ്ച കാസര്‍കോട്ട്

കാസര്‍കോട്: (www.kasargodvartha.com 26.10.2018) രാജ്യസഭ എം.പി സുരേഷ്‌ഗോപി ഒക്ടോബര്‍ 29ന് തിങ്കളാഴ്ച കാസര്‍കോട്ടെത്തും. കേരള കേന്ദ്ര സര്‍വ്വകലാശാല സന്ദര്‍ശിക്കുന്ന അദ്ദേഹം സര്‍വ്വകലാശാലയുടെ പെരിയ തേജസ്വിനി ഹില്‍സ് ക്യാമ്പസില്‍ വൈകിട്ട് ആറു മണിക്ക് നടക്കുന്ന ചടങ്ങില്‍ ഹൈമാസ്റ്റ് ലൈറ്റിന്റെ ഉദ്ഘാടനം നിര്‍വഹിക്കും.

എം.പിയുടെ പ്രാദേശികവികസന ഫണ്ട് വിനിയോഗിച്ചാണ് 10 മീ. ഉയരമുള്ള ഹൈമാസ്റ്റ് ലൈറ്റ് സ്ഥാപിക്കുന്നത്. കൃഷ്ണ ബ്ലോക്കിന് സമീപം നടത്തപ്പെടുന്ന ചടങ്ങില്‍ വൈസ് ചാന്‍സിലര്‍ ഇന്‍ ചാര്‍ജ് പ്രൊഫ. ഡോ. കെ പി സുരേഷ് അധ്യക്ഷത വഹിക്കും. സുരേഷ് ഗോപി എം.പി ഹൈമാസ്റ്റ്‌ലൈറ്റിന്റെ സ്വിച്ച്ഓണ്‍ കര്‍മ്മം നിര്‍വഹിക്കുകയും ഉദ്ഘാടന പ്രഭാഷണം നടത്തുകയുംചെയ്യും.

പരീക്ഷ കണ്‍ട്രോളര്‍ ഡോ. എം. മുരളീധരന്‍ നമ്പ്യാര്‍ സ്വാഗതവും ഫിനാന്‍സ് ഓഫീസര്‍ ഡോ. ബി.ആര്‍ പ്രസന്നകുമാര്‍ നന്ദിയും പറയും.