കൈയ്യില്‍ കയറി പിടിച്ച് അപമാനിക്കാന്‍ ശ്രമിച്ചതായുള്ള അസം സ്വദേശിനിയുടെ പരാതി; പ്രതിയായ ടി ടി ഇയെ തിരിച്ചറിഞ്ഞു, അന്വേഷണം ഊര്‍ജിതം

കാസര്‍കോട്: (www.kasargodvartha.com 30.10.2018) കൈയ്യില്‍ കയറി പിടിച്ച് അപമാനിക്കാന്‍ ശ്രമിച്ചതായുള്ള അസം സ്വദേശിനിയുടെ പരാതിയില്‍ പ്രതിയായ ടി ടി ഇയെ റെയില്‍വേ പോലീസ് തിരിച്ചറിഞ്ഞു. ഇതിന്റെ അടിസ്ഥാനത്തില്‍ പ്രതിക്കെതിരെ പോലീസ് കേസെടുത്ത് അന്വേഷണം ഊര്‍ജിതമാക്കി. നെടുമ്പാശേരി സ്വദേശി ശിവദാസിനെ (50)തിരെയാണ് പോലീസ് കേസെടുത്തിരിക്കുന്നത്.

മംഗളൂരു-ചെന്നൈ എക്‌സ്പ്രസില്‍ വെച്ച് കഴിഞ്ഞ ദിവസമാണ് കേസിനാസ്പദമായ സംഭവം നടന്നത്. ട്രെയിനില്‍ യാത്ര ചെയ്യുകയായിരുന്ന തന്നെ ശുചിമുറിക്ക് സമീപം വെച്ച് ടി ടി ഇ കൈയ്യില്‍ കയറി പിടിക്കുകയും അപമാനിക്കാന്‍ ശ്രമിച്ചുവെന്നുമാണ് യുവതിയുടെ പരാതി. ട്രെയിന്‍ കാസര്‍കോട്ടെത്തിയപ്പോഴായിരുന്നു സംഭവമെന്ന് പറയുന്നു. യുവതി ബഹളം വെച്ചതോടെ ടി ടി ഇ ഇറങ്ങിയോടുകയായിരുന്നു.

കണ്ണൂര്‍ റെയില്‍വേ സ്റ്റേഷനിലെത്തിയപ്പോഴാണ് യുവതി അവിടെ പരാതി നല്‍കിയത്. സംഭവം കാസര്‍കോട്ടു വെച്ചായതിനാല്‍ കാസര്‍കോട് റെയില്‍വേ പോലീസിന് കൈമാറുകയായിരുന്നു.

Related News:
ടി ടി ഇ കൈയ്യില്‍ കയറി പിടിച്ച് അപമാനിക്കാന്‍ ശ്രമിച്ചതായി അസം സ്വദേശിനിയുടെ പരാതി; കാസര്‍കോട് റെയില്‍വേ പോലീസ് അന്വേഷണം ആരംഭിച്ചു

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, Police, Investigation, Top-Headlines, Crime, Assam girl's complaint; Case registered against TTE
  < !- START disable copy paste -->