വഴി ചോദിച്ചെത്തി യുവതിയുടെ മാലയുമായി കടന്നുകളഞ്ഞ സംഭവത്തില്‍ പ്രതി അറസ്റ്റില്‍

ചെറുവത്തൂര്‍: (www.kasargodvartha.com 08.06.2018) വഴി ചോദിച്ചെത്തി യുവതിയുടെ മാലയുമായി കടന്നുകളഞ്ഞ സംഭവത്തില്‍ പ്രതിയെ പോലീസ് അറസ്റ്റു ചെയ്തു. വെങ്ങാട്ട് സ്വദേശിയായ ഷിനോയെ (30) യാണ് പോലീസ് അറസ്റ്റ് ചെയ്തത്. മെയ് 26ന് പിലിക്കോട് മഞ്ഞത്തൂരില്‍ വെച്ചാണ് ബൈക്കിലെത്തിയ ഷിനോയ് യുവതിയുടെ സ്വര്‍ണമാലയുമായി കടന്നുകളഞ്ഞത്.

ചെറുവത്തൂരിലെ സ്വകാര്യ സ്ഥാപനത്തില്‍ ജോലി ചെയ്യുന്ന മഞ്ഞത്തൂരിലെ സുലേഖയുടെ ആറ് പവനോളം തൂക്കം വരുന്ന സ്വര്‍ണമാലയാണ് നഷ്ടപ്പെട്ടത്. ജോലി കഴിഞ്ഞ് വീട്ടിലേക്കു പോകവേ മഞ്ഞത്തൂര്‍ കാവിനടുത്തുവെച്ച് സുലേഖയുടെ അടുത്തെത്തിയ ഷിനോയ് പുത്തിലോട്ടേക്കുള്ള വഴി ചോദിക്കുകയും ഉടന്‍ മുളകുപൊടി വിതറി കഴുത്തിലുണ്ടായിരുന്ന മാല അപഹരിച്ച് രക്ഷപ്പെടുകയുമായിരുന്നു.

സംഭവത്തില്‍ പോലീസില്‍ പരാതി നല്‍കുകയും പോലീസ് അന്വേഷണത്തില്‍ പ്രതിയെ യുവതിയുടെ സഹായത്തോടെ തിരിച്ചറിയുകയും അറസ്റ്റു ചെയ്യുകയുമായിരുന്നു.

Related News:
ബൈക്കിലെത്തിയ ഹെല്‍മറ്റ്ധാരി ജോലി കഴിഞ്ഞ് മടങ്ങുകയായിരുന്ന യുവതിയുടെ കണ്ണില്‍ മുളകുപൊടിയെറിഞ്ഞ് സ്വര്‍ണമാല കവര്‍ന്നു

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Cheruvathur, Kasaragod, Kerala, News, Arrest, Police, Gold chain, Complaint, Snatching case; Accused arrested.

< !- START disable copy paste -->