കാറില്‍ ലോറിയിടിച്ച് യുവാവിന് ദാരുണാന്ത്യം

By Web Desk - MainJun 6, 2018, 10:09 IST

കണ്ണൂര്‍: (www.kasargodvartha.com 06.06.2018) കാറില്‍ ലോറിയിടിച്ച് യുവാവിന് ദാരുണാന്ത്യം. വേങ്ങാട് പടുവിലായി ജമീല മന്‍സിലില്‍ പാറമ്മല്‍ ഫായിസ് (27) ആണ് മരിച്ചത്.

ചെറുകുന്ന് വെള്ളറങ്ങലില്‍ ചൊവ്വാഴ്ച മൂന്നു മണിയോടെയാണ് അപകടമുണ്ടായത്. പഴയങ്ങാടി താവത്തേക്ക് പോവുകയായിരുന്ന ഫായിസ് സഞ്ചരിച്ച കാറില്‍ കണ്ണൂര്‍ ഭാഗത്തേക്ക് പോകുന്ന ലോറി ഇടിക്കുകയായിരുന്നു.

അപകടത്തില്‍ കാര്‍ പൂര്‍ണമായും തകര്‍ന്നു. കാറിനുള്ളില്‍ കുടുങ്ങിയ ഫായിസിനെ ഏറെ നേരം പണിപ്പെട്ട് കാര്‍ വെട്ടിപ്പൊളിച്ചാണ് പുറത്തെടുത്തത്. ഉടന്‍ ആശുപത്രിയിലെത്തിച്ചെങ്കിലും അപ്പോഴേക്കും മരണം സംഭവിച്ചിരുന്നു. മുഹമ്മദ്- ജമീല ദമ്പതികളുടെ മകനാണ്. മൃതദേഹം പോസ്റ്റുമോര്‍ട്ടത്തിനു ശേഷം ബുധനാഴ്ച ഉച്ചയോടെ വേങ്ങാട് ജുമാമസ്ജിദ് ഖബര്‍സ്ഥാനില്‍ ഖബറടക്കും.