വാഹനം കയറ്റിപ്പോവുകയായിരുന്ന ട്രക്കും സ്‌കൂട്ടറും കൂട്ടിയിടിച്ച് യുവാവിന് ഗുരുതരം; ദേശീയപാതയില്‍ മണിക്കൂറുകളോളം ഗതാഗതം തടസപ്പെട്ടു

മഞ്ചേശ്വരം: (www.kasargodvartha.com 29.05.2018) വാഹനം കയറ്റിപ്പോവുകയായിരുന്ന ട്രക്കും സ്‌കൂട്ടറും കൂട്ടിയിടിച്ച് യുവാവിന് ഗുരുതരമായി പരിക്കേറ്റു. ദേശീയപാതയില്‍ മഞ്ചേശ്വരത്തു വെച്ചാണ് അപകടമുണ്ടായത്. സ്‌കൂട്ടര്‍ ഓടിച്ചിരുന്ന ആരിക്കാടിയിലെ കബീറിനാണ് (29) ഗുരുതരമായി പരിക്കേറ്റത്. കബീറിനെ മംഗളൂരുവിലെ ആശുപത്രിയില്‍ പ്രവേശിപ്പിച്ചു.


അപകടത്തെ തുടര്‍ന്ന് ദേശീയപാതയില്‍ മണിക്കൂറുകളോളം ഗതാഗതം തടസപ്പെട്ടു. ഉദ്യാവര്‍ മടയിലെ ബന്ധു വീട്ടിലേക്കു പോവുകയായിരുന്നു കബീര്‍. അപകടത്തെ തുടര്‍ന്ന് ലോറിക്ക് പിറകില്‍ കാറും കാറിനു പിറകില്‍ മറ്റൊരു കാറും ഇടിച്ചു. കാസര്‍കോട് ഭാഗത്തേക്ക് വരികയായിരുന്ന ലോറിയും തലപ്പാടി ഭാഗത്തേക്ക് പോവുകയായിരുന്ന സ്‌കൂട്ടറുമാണ് അപകടത്തില്‍പെട്ടത്.

ലോറിയുടെ അമിത വേഗതയാണ് അപകടത്തിന് കാരണമെന്നാണ് നാട്ടുകാര്‍ ആരോപിക്കുന്നത്.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങaളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Manjeshwaram, Kasaragod, Kerala, News, Accident, Injured, Scooter, Hospital,Youth seriously injured in Scooter-Lorry Collision.