കാറും കണ്ടെയ്‌നര്‍ ലോറിയും കൂട്ടിയിടിച്ച് 4 യുവാക്കള്‍ മരിച്ചു; സുഹൃത്തുക്കളുടെ വിയോഗം നാടിനെ നടുക്കി, 3 പേര്‍ മരണപ്പെട്ടത് തത്ക്ഷണം

വടകര: (www.kasargodvartha.com 22.05.2018) കാറും കണ്ടെയ്‌നര്‍ ലോറിയും കൂട്ടിയിടിച്ച് 4 യുവാക്കള്‍ മരിച്ചു. ദേശീയപാതയില്‍ മുട്ടുങ്ങല്‍ കെഎസ്ഇബി ഓഫീസിന് സമീപം തിങ്കളാഴ്ച വൈകിട്ടാണ് അപകടമുണ്ടായത്. ന്യൂമാഹിക്കടുത്ത് കുറിച്ചിയില്‍ സ്വദേശികളായ സൈനബാസില്‍ ഇസ്മാഈലിന്റെ മകന്‍ അനസ് (19), റൂഫിയ മന്‍സിലില്‍ നൗഷാദിന്റെ മകന്‍ നിഹാല്‍ (18), പറയങ്ങാട് ഹൗസില്‍ ഹാരിസിന്റെ മകന്‍ സഹീര്‍ (18), തലശ്ശേരി ടെംപിള്‍ ഗേറ്റ് സുലൈഖ മന്‍സിലില്‍ മുഹമ്മദ് ത്വല്‍ഹത്ത് (20)എന്നിവരാണ് മരിച്ചത്.

അഞ്ചു പേരാണ് കാറിലുണ്ടായിരുന്നത്. പരിക്കേറ്റ ത്വല്‍ഹത്തിനെ കോഴിക്കോട്ടെ സ്വകാര്യ ആശുപത്രിയില്‍ പ്രവേശിപ്പിച്ചു. യുവാക്കള്‍ സഞ്ചരിച്ച കാര്‍ എതിരെ നിന്നും വരികയായിരുന്ന കണ്ടെയ്‌നര്‍ ലോറിയിലിടിക്കുകയായിരുന്നു.