ഗള്‍ഫുകാരന്റെ പൂട്ടിയിട്ടിരുന്ന വീട്ടില്‍ കവര്‍ച്ച; ടിവിയും എമര്‍ജന്‍സി ലൈറ്റുകളും കവര്‍ന്നു, സ്വര്‍ണമെന്ന് കരുതി മുക്കുപണ്ടങ്ങള്‍ മോഷ്ടാക്കള്‍ കൊണ്ടുപോയി

By Web Desk SNNov 11, 2017, 18:04 IST

ബദിയടുക്ക: (www.kasargodvartha.com 11.11.2017) ഗള്‍ഫുകാരന്റെ പൂട്ടിയിട്ടിരുന്ന വീട്ടില്‍ കവര്‍ച്ച. ടിവിയും എമര്‍ജന്‍സി ലൈറ്റുകളും കവര്‍ന്നു. സ്വര്‍ണമെന്ന് കരുതി അലമാരയില്‍ സൂക്ഷിച്ചിരുന്ന മുക്കുപണ്ടങ്ങള്‍ മോഷ്ടാക്കള്‍ കൊണ്ടുപോയി. പെര്‍ള അമേക്കളയിലെ മുഹമ്മദ് ഷരീഫിന്റെ വീട്ടിലാണ് കവര്‍ച്ച നടന്നത്. ഷരീഫും കുടുംബവും ഗള്‍ഫിലാണ് താമസം.

സഹോദരന്‍ മുഹമ്മദ് കബീറാണ് വീട് നോക്കിയിരുന്നത്. വീട് ശുചിയാക്കാനും മറ്റുമായി കബീര്‍ ഇവിടെ എത്താറുണ്ട്. കഴിഞ്ഞ ദിവസം വീട്ടിലെത്തിയപ്പോഴാണ് കവര്‍ച്ച നടന്ന വിവരം അറിഞ്ഞത്. അടുക്കള വാതില്‍ തകര്‍ത്താണ് പ്രതികള്‍ അകത്തുകടന്നത്.