വ്യത്യസ്ത മത വിഭാഗങ്ങളില്‍പെട്ട യുവതിയും യുവാവും പ്രണയിച്ച് വിവാഹിതരായി കോടതിയില്‍; പെണ്‍കുട്ടിയെ കോടതി യുവാവിനൊപ്പം വിട്ടു, സംഘര്‍ഷാവസ്ഥ

By Web Desk SNNov 10, 2017, 10:28 IST

കണ്ണൂര്‍:(www.kasargodvartha.com 10/11/2017) വ്യത്യസ്ത മത വിഭാഗങ്ങളില്‍പെട്ട യുവതിയും യുവാവും പ്രണയിച്ച് വിവാഹിതരായി കോടതിയില്‍ ഹാജരായി. പെണ്‍കുട്ടിയെ കോടതി യുവാവിനൊപ്പം വിട്ടു. ഇവര്‍ മജിസ്‌ട്രേറ്റിനു മുന്നില്‍ ഹാജരാകാനെത്തിയപ്പോള്‍ സംഘര്‍ഷാവസ്ഥയുണ്ടായി. വിവരമറിഞ്ഞ് പോലീസ് സ്ഥലത്തെത്തി സ്ഥിതിഗതികള്‍ ശാന്തമാക്കി.

നീര്‍ച്ചാല്‍ സ്വദേശിയായ യുവാവും മീന്‍കുന്ന് സ്വദേശിയായ യുവതിയുമാണ് പ്രണയിച്ച് വിവാഹം കഴിച്ച ശേഷം കോടതിയില്‍ ഹാജരായത്. വ്യാഴാഴ്ച രാത്രി 7.30 മണിയോടെയാണ് സംഭവം. ഇവര്‍ വിവാഹിതരായതിന് ശേഷം യുവാവിന്റെയും യുവതിയുടെയും വീടുകളില്‍ എത്തി ചിലര്‍ പ്രശ്‌നമുണ്ടാക്കിയിരുന്നു. ഇതിനു പിന്നാലെയാണ് കോടതിയില്‍ ഹാജരാകുന്ന സമയത്തും സംഘര്‍ഷാവസ്ഥയുണ്ടായത്.