കാറിന് നേരെ കല്ലേറ്; മദ്യപസംഘമെന്ന് സംശയം

കാസര്‍കോട്:(www.kasargodvartha.com 30/10/2017) ചളിയങ്കോട്ട് കുടുംബം സഞ്ചരിച്ച കാറിനു നേരെ കല്ലേറ്. സംഭവത്തില്‍ പോലീസില്‍ പരാതി നല്‍കി. കോണ്‍ട്രാക്ടര്‍ ചേരൂര്‍ മുഹമ്മദിന്റെ കാറിനു നേരെയാണ് ശനിയാഴ്ച രാത്രി 11.30 മണിയോടെ കല്ലേറുണ്ടായത്. ഉദുമയില്‍ നിന്ന് കാസര്‍കോട്ടേക്ക് വരികയായിരുന്ന കുടുംബം സഞ്ചരിച്ച കാറിനു നേരെ പത്തോളം വരുന്ന സംഘം കല്ലേറ് നടത്തുകയായിരുന്നുവെന്നാണ് പരാതി.

മദ്യപസംഘമാണ് അക്രമത്തിന് പിന്നിലെന്നാണ് സംശയിക്കുന്നത്. സംഭവത്തില്‍ പോലീസ് അന്വേഷണം നടത്തിവരുന്നു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: News, Kasaragod, Complaint, Car, Police, Family, Attack, Investigation, Stone pelting against Car; complaint lodged