സി ഐ ഓടിച്ചിരുന്ന കാര്‍ നിയന്ത്രണം വിട്ട് കുഴിയിലേക്ക് വീണു; 2 പേര്‍ക്ക് പരിക്ക്

By Web Desk SNOct 16, 2017, 18:36 IST

കാഞ്ഞങ്ങാട്: (www.kasargodvartha.com 16.10.2017) സി ഐ ഓടിച്ചിരുന്ന കാര്‍ നിയന്ത്രണം വിട്ട് കുഴിയിലേക്ക് വീണ് സി ഐക്കും ഭാര്യക്കും പരിക്കേറ്റു. ഞായറാഴ്ച ഉച്ചയോടെ പൊള്ളക്കടയില്‍ വെച്ചായിരുന്നു അപകടം. ഹൊസ്ദുര്‍ഗ് സി.ഐ. സി.കെ സുനില്‍ കുമാര്‍ ഓടിച്ചിരുന്ന കാറാണ് നിയന്ത്രണംവിട്ട് കുഴിയിലേക്ക് വീണത്.

അപകടത്തില്‍ സി ഐക്കും ഭാര്യ നീതാറാണിക്കും (36) നിസാര പരിക്കേറ്റു. ഇവര്‍ ആശുപത്രിയില്‍ ചികിത്സ തേടി. അപകടത്തെ തുടര്‍ന്ന് കാറിന്റെ മുന്‍വശത്തെ ഗ്ലാസ് തകര്‍ന്നു.