വീടിനു മുന്നില്‍ നിര്‍ത്തിയിട്ടിരുന്ന മാധ്യമപ്രവര്‍ത്തകന്റെ സ്‌കൂട്ടര്‍ തീവെച്ച് നശിപ്പിച്ചു

By Web Desk SNOct 21, 2017, 19:47 IST

പയ്യന്നൂര്‍: (www.kasargodvartha.com 21.10.2017) വീടിനു മുന്നില്‍ നിര്‍ത്തിയിട്ടിരുന്ന മാധ്യമപ്രവര്‍ത്തകന്റെ സ്‌കൂട്ടര്‍ തീവെച്ച് നശിപ്പിച്ചു. അഡ്വ. ബി സന്തോഷ്‌കുമാറിന്റെ കെഎല്‍ 59 ക്യു 2184 നമ്പര്‍ ആക്ടിവ സ്‌കൂട്ടറാണ് അജ്ഞാത സംഘം തീവെച്ച് നശിപ്പിച്ചത്. മുകുന്ദ ആശുപത്രിക്ക് സമീപത്തെ വീട്ടുമുറ്റത്ത് നിര്‍ത്തിയിട്ടതായിരുന്നു സ്‌കൂട്ടര്‍. വീടിന്റെ ഒരു ഭാഗത്തേക്കും തീ ആളിപ്പടര്‍ന്നു.

വിവരമറിഞ്ഞ് ഫയര്‍ഫോഴ്‌സ് സ്ഥലത്തെത്തി തീയണക്കുകയായിരുന്നു. സംഭവത്തില്‍ പയ്യന്നൂര്‍ പോലീസ് അന്വേഷണം ആരംഭിച്ചു.