വൈദ്യുതി ചാര്‍ജ് വര്‍ദ്ധിപ്പിച്ചേക്കും

തിരുവനന്തപുരം: (www.kasargodvartha.com 31/10/2017) വൈദ്യുതി ചാര്‍ജ് വര്‍ദ്ധിപ്പിക്കാന്‍ അനുമതി ആവശ്യപ്പെട്ട് അപേക്ഷ നല്‍കി. മൂന്നു മാസത്തേക്ക് യൂണിറ്റിന് 14 പൈസ വീതം വര്‍ദ്ധിപ്പിക്കാനുള്ള അനുമതി ആവശ്യപ്പെട്ടാണ് കെ.എസ്.ഇ.ബി വൈദ്യുതി റഗുലേറ്ററി കമ്മീഷന് അപേക്ഷ നല്‍കിയത്. വൈദ്യുതി വാങ്ങിയ വകയില്‍ ഉണ്ടായ അധിക ചിലവാണ് നികത്താനാണ് സെസ് ഐര്‍പ്പെടുത്തി വൈദ്യുതി ചാര്‍ജ് വര്‍ദ്ധിപ്പിക്കാന്‍ കെ.എസ്.ഇ.ബിയുടെ നീക്കം നടത്തുന്നത്.

ഈ വര്‍ഷം ഓഗസ്റ്റ് വരെ കാലവര്‍ഷത്തിന്റെ അളവ് വളരെ കുറവായിരുന്നു. വന്‍ കുടിവെള്ളക്ഷാമം ഉള്‍പ്പെടെ പ്രതീക്ഷിച്ച സമയത്ത് ഒഡിഷയിലെ താപനിലയത്തില്‍നിന്നു മതിയായ വൈദ്യുതി ലഭിക്കാതിരുന്നതു കാരണം ഏപ്രില്‍ മുതല്‍ ജൂണ്‍വരെ കൂടുതല്‍ വൈദ്യുതി വാങ്ങുന്നതിന് ബോര്‍ഡ് അധികം പണം ചെലവഴിച്ചു.