കാറുകളിലും വാനിലും കടത്തുകയായിരുന്ന മണല്‍ പോലീസ് പിടികൂടി; യുവാവ് അറസ്റ്റില്‍, എസ്‌കോര്‍ട്ട് പോയ ബൈക്കും ഓട്ടോറിക്ഷയും കസ്റ്റഡിയില്‍

കാസര്‍കോട്: (www.kasargodvartha.com 05.07.2017) കാറുകളിലും വാനിലും കടത്തുകയായിരുന്ന മണല്‍ പോലീസ് പിടികൂടി. സംഭവവുമായി ബന്ധപ്പെട്ട് യുവാവിനെ പോലീസ് അറസ്റ്റു ചെയ്തു. എരിയാലിലെ അബ്ദുര്‍ റഷീദിനെ (20)യാണ് പോലീസ് അറസ്റ്റു ചെയ്തത്. ചേരങ്കൈയില്‍ വെച്ചാണ് ചാക്കുകെട്ടുകളിലാക്കി കടത്താന്‍ ശ്രമിച്ച മണല്‍ കാസര്‍കോട് എസ് ഐ അജിത് കുമാറിന്റെ നേതൃത്വത്തിലുള്ള പോലീസ് സംഘം പിടികൂടിയത്.

മണല്‍ കടത്തിന് എസ്‌കോര്‍ട്ട് പോവുകയായിരുന്ന ബൈക്കും ഓട്ടോറിക്ഷയും പോലീസ് കസ്റ്റഡിയിലെടുത്തു. പോലീസിനെ കണ്ട് ഓടിരക്ഷപ്പെട്ടവരെ കണ്ടെത്താന്‍ പോലീസ് അന്വേഷണം ഊര്‍ജിതമാക്കി.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Kerala, news, arrest, Police, sand mafia, custody, Sand trafficking; youth arrested