വാടകവീട്ടില്‍ വില്‍പ്പനക്കുവെച്ച ഒമ്പതുലക്ഷം രൂപയുടെ പുകയിലെ ഉത്പന്നങ്ങളുമായി അറുപതുകാരന്‍ പിടിയില്‍

ചെറുവത്തൂര്‍: (www.kasargodvartha.com 02/06/2017) വാടകവീട്ടില്‍ വില്‍പ്പനക്കുവെച്ച ഒമ്പതുലക്ഷം രൂപയുടെ പുകയില ഉത്പന്നങ്ങളുമായി അറുപതുകാരന്‍ എക്‌സൈസ് പിടിയിലായി. ചെറുവത്തൂരിലെ പടിഞ്ഞാറെ വീട്ടില്‍ ടി കെ വിജയകൃഷ്ണനെ(60)യാണ് എക്‌സൈസ് പിടികൂടിയത്.

കണ്ണൂര്‍ കാല്‍ടെക്‌സ് ജംഗ്ഷന് സമീപത്തെ മാളിന് പിറകുവശത്തെ വാടകവീട് കേന്ദ്രീകരിച്ചാണ് വിജയകൃഷ്ണന്‍ പുകയില ഉത്പന്നങ്ങള്‍ വില്‍പ്പന നടത്തിയിരുന്നത്. ഒമ്പതുലക്ഷത്തോളം രൂപ വിലവരുന്ന 600 കിലോ നിരോധിത പുകയില ഉത്പന്നങ്ങളാണ് വിജയകൃഷ്ണനില്‍ നിന്നും പിടികൂടിയത്.


രഹസ്യവിവരത്തിന്റെ അടിസ്ഥാനത്തിലാണ് എക്‌സൈസ് വിജയകൃഷ്ണന്റെ വീട്ടില്‍ റെയ്ഡ് നടത്തിയത്. 39 വലിയ ചാക്കുകളിലായി മധു, ഹാന്‍സ്, പാന്‍പരാഗ്, ചൈനിഖേനി തുടങ്ങിയ നിരോധിത പുകയില ഉത്പന്നങ്ങളടങ്ങിയ പാക്കറ്റുകള്‍ നിറച്ച നിലയിലായിരുന്നു. രണ്ടുവര്‍ഷത്തോളമായി ഇത്തരത്തിലുള്ള പുകയില ഉത്പന്നങ്ങള്‍ വിജയകൃഷ്ണന്‍ വില്‍പ്പന നടത്തിവരികയാണെന്ന് പോലീസ് പറഞ്ഞു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം 😊)

Keywords: Kasaragod, Cheruvathur, Arrest, Raid, Police, Tobacco Products, Man arrested with tobacco products.