വീട്ടില്‍ അതിക്രമിച്ചു കയറി മര്‍ദിച്ചതായി പരാതി; 25 ഓളം പേര്‍ക്കെതിരെ കേസ്

കാസര്‍കോട്: (www.kasargodvartha.com 27.06.2017) വീട്ടില്‍ അതിക്രമിച്ചു കയറി മര്‍ദിച്ചതായി പരാതി. സംഭവത്തില്‍ 25 ഓളം പേര്‍ക്കെതിരെ പോലീസ് കേസെടുത്തു. നെല്ലിക്കുന്ന് കസബ കടപ്പുറത്തെ ശശാങ്കന്റെ ഭാര്യ നിര്‍മ്മല (48)യ്ക്കാണ് മര്‍ദനമേറ്റത്. തിങ്കളാഴ്ച രാത്രി 9.30 മണിയോടെ വീടിന്റെ കോമ്പൗണ്ടില്‍ അതിക്രമിച്ചു കയറിയ 25 ഓളം വരുന്ന സംഘം മര്‍ദിക്കുകയും തള്ളിയിട്ട് പരിക്കേല്‍പിക്കുകയും ചെയ്തതായി നിര്‍മ്മല പോലീസില്‍ നല്‍കിയ പരാതിയില്‍ പറയുന്നു.
സംഭവത്തില്‍ സിന്ധു ചന്ദ്രന്‍, രോഹിത് രമേശ്, വിഷ്ണു, കൈലാസ്, റോഷന്‍ സിന്ധു, അമല്‍ തുടര്‍ന്ന് 25 ഓളം പേര്‍ക്കെതിരെ കാസര്‍കോട് ടൗണ്‍ പോലീസ് കേസെടുത്തു. മുന്‍വിരോധമാണ് അക്രമത്തിന് കാരണമെന്നാണ് പരാതി.