ഓട്ടോ റിക്ഷയില്‍ നിന്നും തെറിച്ചുവീണ് 62 കാരിക്ക് പരിക്കേറ്റ സംഭവത്തില്‍ ഡ്രൈവര്‍ പിഴയും നഷ്ടപരിഹാരവും നല്‍കാന്‍ വിധി

By Web Desk SNJun 29, 2017, 16:22 IST

കാഞ്ഞങ്ങാട്: (www.kasargodvartha.com 29.06.2017) ഓട്ടോ റിക്ഷയില്‍ നിന്നും തെറിച്ചുവീണ് 62 കാരിക്ക് പരിക്കേറ്റ സംഭവത്തില്‍ ഡ്രൈവറെ പിഴയക്കാനും നഷ്ടപരിഹാരം നല്‍കാനും കോടതി വിധിച്ചു. പുല്ലൂര്‍ ചാലിങ്കാലിലെ അനീഷ് കുമാറിനെയാ (29) ണ് ഹോസ്ദുര്‍ഗ് ജുഡീഷ്യല്‍ മജിസ്‌ട്രേറ്റ് ഒന്നാം ക്ലാസ് കോടതി (ഒന്ന്) 1,000 രൂപ പിഴയടക്കാനും 5,000 രൂപ നഷ്ട പരിഹാരം നല്‍കാനും വിധിച്ചത്.

പുല്ലൂരിലെ കോരന്റെ ഭാര്യ വെള്ളച്ചി (62) യ്ക്കാണ് ഉദയ നഗറില്‍ നാര്‍ക്കളത്തേക്ക് വരുമ്പോള്‍ നിയന്ത്രണം വിട്ട ഓട്ടോയില്‍ നിന്നും തെറിച്ചുവീണ് പരിക്കേറ്റത്. ഇവരുടെ പരാതിയിലാണ് അനീഷ്‌കുമാറിനെതിരെ പോലീസ് കേസെടുത്തത്.