നിരോധിച്ച കടവില്‍ മണലെടുപ്പ്; പോലീസ് നാല് തോണികള്‍ പിടിച്ചെടുത്ത് നശിപ്പിച്ചു

കാസര്‍കോട്: (www.kasargodvartha.com 12/12/2016) നിരോധിച്ച പുഴകടവില്‍ വന്‍തോതില്‍ മണലെടുപ്പ്. വിവരമറിഞ്ഞെത്തിയ പോലീസ് സംഘം കടവുകളില്‍ നിന്നും നാല് തോണികള്‍ പിടിച്ചെടുത്ത് നശിപ്പിച്ചു. ഞായറാഴ്ച വൈകിട്ട് തുരുത്തി പുഴയിലെ നിരോധിച്ച കടവുകളില്‍ നിന്നും മണലെടുക്കുന്ന വിവരമറിഞ്ഞെത്തിയ കാസര്‍കോട് ടൗണ്‍ എസ് ഐ അജിത്, അഡീഷണല്‍ എസ് ഐ അമ്പാടി എന്നിവരുടെ നേതൃത്വത്തിലുള്ള പോലീസ് സംഘം നാല് തോണികള്‍ പിടിച്ചെടുക്കുകയും നശിപ്പിക്കുകയുമായിരുന്നു.

പോലീസിനെ കണ്ടപ്പോള്‍ മണല്‍കടത്തുകാര്‍ ഓടിരക്ഷപ്പെടുകയാണുണ്ടായത്. തുരുത്തി പുഴയിലെ മണലെടുപ്പുകാരണം വന്‍ കുഴികള്‍ രൂപപ്പെടുകയും ഇതുമൂലം പുഴയില്‍ അപകടങ്ങള്‍ പെരുകുകയും ചെയ്ത സാഹചര്യത്തിലാണ് നാല് കടവുകളിലെ മണലെടുപ്പ് അധികൃതര്‍ നിരോധിച്ചത്.

Keywords: Kasaragod, Sand, Boat, Police, Kerala, Sands Boat, Police, 4 sand boat seized,  4 sand boats seized and destroyed