City Gold
news portal
» » » » » » » » » » » ഡോക്ടര്‍മാരുടെ താത്ക്കാലിക നിയമനം: സര്‍ക്കാറിന്റെ പുതിയ ഉത്തരവ് പുന:പരിശോധിക്കണമെന്ന് എജിസി ബഷീര്‍

കാസര്‍കോട്: (www.kasargodvartha.com 09.10.2019) സര്‍ക്കാര്‍ ആശുപത്രികളിലെ ഒഴിവുള്ള ഡോക്ടര്‍മാരുടെ തസ്തികകളില്‍ അഡ്‌ഹോക്ക് സംവിധാനത്തിലൂടെ നിയമിക്കാനുള്ള ഡി.എം.ഒ വിന്റെ അധികാരം എടുത്തു കളഞ്ഞ സര്‍ക്കാര്‍ നടപടി പുന:പരിശോധിക്കണമെന്ന് കാസര്‍കോട് ജില്ലാ പഞ്ചായത്ത് പ്രസിഡന്റ് എ.ജി.സി ബഷീര്‍ ആരോഗ്യ മന്ത്രി കെ.കെ ശൈലജയ്ക്ക് അയച്ച കത്തില്‍ ആവശ്യപ്പെട്ടു. കാസര്‍കോട് പോലെയുള്ള പിന്നോക്ക ജില്ലകളില്‍ നിരവധിയാര്‍ന്ന ഡോക്ടര്‍മാരുടെ ഒഴിവുകളാണ് വന്നു കൊണ്ടിരിക്കുന്നത്. അത്തരം സന്ദര്‍ഭങ്ങളിലെല്ലാം ഡി.എം.ഒ ആണ് ഇപ്പോള്‍ താത്ക്കാലികാടിസ്ഥാനത്തില്‍ ഡോക്ടര്‍മാരെ നിയമിച്ചു വരുന്നത്.

സര്‍ക്കാര്‍ ഇറക്കിയ പുതിയ ഉത്തരവിലൂടെ ഇത്തരം നിയമനങ്ങള്‍ ഡയറക്ടര്‍ ഓഫ് ഹെല്‍ത്ത് സെര്‍വീസസിന് (ഡി.എച്ച്.എസ്) വിട്ടിരിക്കുകയാണ്. ഒഴിവുകള്‍ റിപ്പോര്‍ട്ട് ചെയ്യാന്‍ മാത്രമാണ് ഡി.എം.ഒവിനുള്ള അധികാരം. ഇതുമൂലം ജില്ലയില്‍ ആരോഗ്യ മേഘല വലിയ പ്രതിസന്ധിയിലേക്ക് വരാന്‍ വേണ്ടി പോകുകയാണ്. കഴിഞ്ഞ ദിവസം ബേഡഡുക്ക സി.എച്ച്.സിയിലെ നാല് ഡോക്ടര്‍മാര്‍ ഒറ്റയടിക്ക് പിരിഞ്ഞു പോയി. പകരം ഒരാളെ പോലും നിയമിക്കാന്‍ ഡി.എം.ഒക്ക് കഴിയാത്ത അവസ്ഥയാണുള്ളത്. കാസര്‍കോട് ജില്ല പോലുള്ള പിന്നോക്ക ജില്ലകളില്‍ ഈ ഉത്തരവ് മൂലമുണ്ടാകുന്ന പ്രത്യാഘാതം വളരെ വലുതായിരിക്കും.


കാസര്‍കോട് ജില്ലയിലെ വിവിധ ആശുപത്രികളില്‍ താത്ക്കാലികാടിസ്ഥാനത്തില്‍ നൂറുക്കണക്കിന് ഡോക്ടര്‍മാരാണ് ഇപ്പോള്‍ സേവനം ചെയ്തു വരുന്നത്. ഈ ഉത്തരവ് പുന പരിശോധിക്കണമെന്നും പഴയ രീതിയില്‍ ഡി.എം.ഒക്ക് ഡോക്ടര്‍മാരെ താത്ക്കാലികാടിസ്ഥാനത്തില്‍ നിയമിക്കാനുള്ള അധികാരം കൈമാറണമെന്നും എ.ജി.സി ബഷീര്‍ മന്ത്രിക്കയച്ച കത്തില്‍ ആവശ്യപ്പെട്ടു.

(ശ്രദ്ധിക്കുക: ഗൾഫ് - വിനോദം - ടെക്നോളജി - സാമ്പത്തികം- പ്രധാന അറിയിപ്പുകൾ-വിദ്യാഭ്യാസം-തൊഴിൽ വിശേഷങ്ങൾ ഉൾപ്പെടെ മലയാളം വാർത്തകൾ നിങ്ങളുടെ മൊബൈലിൽ ലഭിക്കാൻ കെവാർത്തയുടെ പുതിയ ആൻഡ്രോയിഡ് ആപ്പ് ഇവിടെ ക്ലിക്ക് ചെയ്ത് ഡൗൺലോഡ് ചെയ്യുക. ഉപയോഗിക്കാനും ഷെയർ ചെയ്യാനും എളുപ്പം )

Keywords: kasaragod, Kerala, news, Doctors, Government, hospital, District-Panchayath, Minister, Health-Department, AGC Basheer seeks to review government's new order

About kvarthaksd

ഞങ്ങളുടെ Facebookലും Twitterലും അംഗമാകൂ. ഓരോ വാര്‍ത്തയും കാസര്‍കോട് വാര്‍ത്തയിലൂടെ അറിയാം
«
Next
Newer Post
»
Previous
Older Post
ശ്രദ്ധിക്കുക: താഴെ കൊടുക്കുന്ന അഭിപ്രായങ്ങള്‍ കാസര്‍കോട് വാര്‍ത്തയുടെ അഭിപ്രായമാവണമെന്നില്ല. അഭിപ്രായങ്ങള്‍ മലയാളത്തിലോ ഇംഗ്ലീഷിലോ എഴുതുക. മംഗ്ലീഷില്‍ അഭിപ്രായങ്ങള്‍ പോസ്റ്റ് ചെയ്യുന്നത് ഒഴിവാക്കുക. അവഹേളനപരമോ വ്യക്തിപരമായ അധിക്ഷേപങ്ങളോ അശ്‌ളീല പദപ്രയോഗങ്ങളോ അസഭ്യങ്ങളോ തെറ്റിദ്ധാരണാജനകമോ അപകീര്‍ത്തികരമോ നിയമവിരുദ്ധമോ ആയ അഭിപ്രായങ്ങള്‍ പോസ്റ്റ് ചെയ്യുന്നത് സൈബര്‍ നിയമപ്രകാരം ശിക്ഷാര്‍ഹമാണ്.
മലയാളത്തില്‍ ടൈപ്പ് ചെയ്യാന്‍ ഇവിടെ ക്ലിക്ക് ചെയ്യുക

മുഴുവന്‍ വാര്‍­ത്ത­കള്‍ | News by date