കാഞ്ഞങ്ങാട് നഗരസഭ കൗണ്‍സിലര്‍ മഹ് മൂദ് മുറിയനാവിയെ ബൂത്തില്‍ കയറി അക്രമിച്ചു, പിന്നില്‍ ലീഗ് പ്രവര്‍ത്തകരെന്ന് ആരോപണം

കാഞ്ഞങ്ങാട്: (www.kasargodvartha.com 23.04.2019) നഗരസഭ കൗണ്‍സിലര്‍ മഹ് മൂദ് മുറിയനാവിയെ ബൂത്തില്‍ കയറി അക്രമിച്ചു. ഒരു സംഘം ലീഗ് പ്രവര്‍ത്തകരാണ് തന്നെ ആക്രമിച്ചതെന്ന് ആശുപത്രിയില്‍ കഴിയുന്ന മഹ് മൂദ് മുറിയനാവി പറഞ്ഞു. മുറിയനാവി പിപിടിഎഎല്‍പി സ്‌കൂളില്‍ വെച്ച് വൈകീട്ട് 3.30 മണിയോടെയായിരുന്നു സംഭവം.

വോട്ട് ചെയ്യാനെത്തിയ മഹമൂദിനെ കള്ളവോട്ട് ചോദ്യം ചെയ്തതിന്റെ വൈരാഗ്യത്തില്‍ ഒരു സംഘം ലീഗ് പ്രവര്‍ത്തകര്‍ കയ്യേറ്റം ചെയ്യുകയായിരുന്നുവെന്നാണ് പരാതി. സംഭവത്തില്‍ ഹോസ്ദുര്‍ഗ് പോലീസ് അന്വേഷണം ആരംഭിച്ചു.