ബി ജെ പിയുടെ നിയമവിരുദ്ധ ലഘുലേഖകളുമായി 2 കാസര്‍കോട് സ്വദേശികള്‍ മംഗളൂരുവില്‍ പിടിയില്‍

മംഗളൂരു: (www.kasargodvartha.com 17.03.2019) ബി ജെ പിയുടെ നിയമവിരുദ്ധ ലഘുലേഖകളുമായി രണ്ട് കാസര്‍കോട് സ്വദേശികള്‍ മംഗളൂരുവില്‍ പിടിയിലായി. കാസര്‍കോട് മഞ്ചേശ്വരം സ്വദേശികളായ അശ്വിന്‍ (25), അരുണ്‍ കുമാര്‍ (26) എന്നിവരെയാണ് നന്ദൂര്‍ ചെക്ക്‌പോസ്റ്റില്‍ വെച്ച് കദ്രി പോലീസ് പിടികൂടിയത്.

കഴിഞ്ഞ ദിവസം പുലര്‍ച്ചെ 1.15 മണിയോടെയാണ് സംഭവം. കെ എല്‍ 14 യു 6805 നമ്പര്‍ ആള്‍ട്ടോ കാറിലെത്തിയ സംഘത്തെ ചെക്ക് പോസ്റ്റില്‍ വെച്ച് ഫ്‌ളൈയിംഗ് സ്‌ക്വാഡ് ഓഫീസര്‍ വില്‍സണ്‍ പരിശോധിച്ചപ്പോഴാണ് കാറില്‍ നിന്നും നിയമവിരുദ്ധ ലഘുലേഖകള്‍ പിടിച്ചെടുത്തത്. ഇതിന്റെ രേഖകള്‍ ആവശ്യപ്പെട്ടെങ്കിലും സംഘത്തിന്റെ പക്കലുണ്ടായിരുന്നില്ല. ഇതോടെ ഇരുവരെയും കാറും പോലീസ് കസ്റ്റഡിയിലെടുക്കുകയായിരുന്നു.