കണ്ണൂര്‍ വിമാനത്താവളത്തില്‍ വീണ്ടും സ്വര്‍ണവേട്ട; കാസര്‍കോട് സ്വദേശി പിടിയില്‍

കണ്ണൂര്‍: (www.kasargodvartha.com 15.03.2019) കണ്ണൂര്‍ വിമാനത്താവളം വഴി വീണ്ടും സ്വര്‍ണം കടത്താന്‍ ശ്രമം. കാസര്‍കോട് സ്വദേശി പിടിയിലായി. അബൂദാബിയില്‍ നിന്നുള്ള എയര്‍ ഇന്ത്യ എക്‌സ്പ്രസില്‍ കണ്ണൂരിലെത്തിയ കാസര്‍കോട് സ്വദേശി മുഹമ്മദ് റഫീഖില്‍ നിന്നാണ് 280 ഗ്രാം സ്വര്‍ണം പിടികൂടിയത്. പേസ്റ്റ് രൂപത്തില്‍ കവറിലാക്കി മലദ്വാരത്തില്‍ ഒളിപ്പിച്ചാണ് സ്വര്‍ണം കടത്താന്‍ ശ്രമിച്ചത്.

കസ്റ്റംസ് പരിശോധനയില്‍ റഫീഖില്‍ നിന്നും സ്വര്‍ണം കണ്ടെത്തുകയായിരുന്നു. കഴിഞ്ഞ ദിവസം കാസര്‍കോട് ഉപ്പള മുഹമ്മദ് ഹാരിസിനെ  രണ്ടുകിലോ സ്വര്‍ണവുമായി പിടികൂടിയിരുന്നു.