ഡിസംബര്‍ ആറ് മുസ്ലിം ലീഗ് മതേതരത്വ സംരക്ഷണ ദിനമായി ആചരിക്കും

കാസര്‍കോട്: (www.kasargodvartha.com 04.12.2018) മതേതര ഇന്ത്യക്ക് തീരാ കളങ്കം സൃഷ്ടിച്ച് ബാബരി മസ്ജിദ് ധ്വംസനത്തിന്റെ ഇരുപത്തി ആറാം ആണ്ടായ ഡിസംബര്‍ ആറ് സംസ്ഥാന വ്യാപകമായി മതേതരത്വ സംരക്ഷണ ദിനമായി ആചരിക്കാന്‍ മുസ്ലിം ലീഗ് സംസ്ഥാന പ്രസിഡണ്ട് പാണക്കാട് സയ്യിദ് ഹൈദരലി ശിഹാബ് തങ്ങള്‍ ആഹ്വാനം ചെയ്തു.

മതേതരത്വ സംരക്ഷണ ദിനത്തിന്റെ ഭാഗമായി കാസര്‍കോട് ജില്ലയില്‍ പഞ്ചായത്ത് - മുനിസിപ്പല്‍ തലങ്ങളില്‍ മുസ്ലിം ലീഗ് കമ്മിറ്റികള്‍ പ്രതിഷേധ സംഗമങ്ങള്‍ സംഘടിപ്പിക്കുമെന്ന് ജില്ലാ പ്രസിഡണ്ട് എം.സി ഖമറുദ്ദീനും, ജനറല്‍ സെക്രട്ടറി എ. അബ്ദുര്‍ റഹ് മാനും അറിയിച്ചു.