കെ ടി ജലീല്‍ രാജിവെക്കണം; മുഖ്യമന്ത്രിക്ക് കത്ത് നല്‍കിയതായി രമേശ് ചെന്നിത്തല

തിരുവനന്തപുരം: (www.kasargodvartha.com 07.11.2018) ബന്ധുനിയമന വിവാദത്തില്‍പെട്ട മന്ത്രി കെ ടി ജലീല്‍ രാജി വെക്കണമെന്നാവശ്യപ്പെട്ട് രമേശ് ചെന്നിത്തല മുഖ്യമന്ത്രിക്ക് കത്ത് നല്‍കി. വാര്‍ത്താ സമ്മേളനത്തില്‍ പ്രതിപക്ഷ നേതാവായ രമേശ് ചെന്നിത്തല ഇക്കാര്യം വ്യക്തമാക്കിയത്. ഗുരുതരമായ തെറ്റാണ് കെ ടി ജലീല്‍ ചെയ്തിരിക്കുന്നത്. ചട്ടങ്ങള്‍ ലംഘിച്ചുള്ള നിയമനം എന്തുകൊണ്ട് മുഖ്യമന്ത്രി കണ്ടില്ലെന്ന് നടിക്കുന്നുവെന്നും ചെന്നിത്തല ചോദിച്ചു.

പിതൃസഹോദര പുത്രനായ കെ ടി അദീബിനെ യോഗ്യതയില്‍ ഇളവ് നല്‍കി ജലീല്‍ മൈനോറിറ്റി ഡെവലപ്മെന്റ് ഫിനാന്‍സ് കോര്‍പറേഷന്റെ ജനറല്‍ മാനേജരായി നിയമിച്ചെന്നാണ് ആരോപണം.