മകളെ കാണാനില്ലെന്ന പിതാവിന്റെ പരാതി; യുവതി കാമുകനുമായി പോലീസ് സ്‌റ്റേഷനില്‍ ഹാജരായി

മഞ്ചേശ്വരം: (www.kasargodvartha.com 09.11.2018) മകളെ കാണാനില്ലെന്ന പിതാവിന്റെ പരാതിയില്‍ കേസെടുത്ത പോലീസ് അന്വേഷണം നടത്തിവരുന്നതിനിടെ യുവതി കാമുകനുമായി പോലീസ് സ്‌റ്റേഷനില്‍ ഹാജരായി. മണ്ണംകുഴിയിലെ അബ്ദുര്‍ റഹ് മാന്‍ ആണ് മകള്‍ റൈഹാന (20)യെ കാണാനില്ലെന്ന് കാണിച്ച് മഞ്ചേശ്വരം പോലീസില്‍ പരാതി നല്‍കിയത്.

സംഭവം സംബന്ധിച്ച് പോലീസ് അന്വേഷണം നടത്തിവരുന്നതിനിടെയാണ് മണ്ണംകുഴിയില്‍ കപ്പ ചിപ്സ് കട നടത്തിവരികയായിരുന്ന തമിഴ്നാട് സ്വദേശിയെയും കാണാതായതായി വ്യക്തമായത്. കഴിഞ്ഞ വെള്ളിയാഴ്ച പുലര്‍ച്ചെയാണ് റൈഹാനയെ കാണാതായത്. മൊബൈല്‍ ഫോണ്‍ സ്വിച്ച്ഡ് ഓഫ് ചെയ്ത നിലയിലായിരുന്നു.



പോലീസ് അന്വേഷണം തമിഴ്‌നാട്ടിലേക്കും വ്യാപിപ്പിച്ചിരുന്നു. ഇതിനിടെയാണ് ഇരുവരും പോലീസ് സ്‌റ്റേഷനില്‍ ഹാജരായത്. യുവതിയെ ഉച്ചയോടെ കോടതിയില്‍ ഹാജരാക്കുമെന്ന് പോലീസ് അറിയിച്ചു.
Related News:
മകളെ കാണാനില്ലെന്ന പിതാവിന്റെ പരാതിയില്‍ കേസെടുത്ത പോലീസ് അന്വേഷണം തുടരുന്നു