കാറുകള്‍ കൂട്ടിയിടിച്ച് ഗുരുതരമായി പരിക്കേറ്റ് ആശുപത്രിയില്‍ പ്രവേശിപ്പിച്ച ഗൃഹനാഥന്‍ മരിച്ചു

Whatsapp Group Whatsapp Channel

By Web Desk - MainFeb 14, 2018, 15:47 IST

കുമ്പള: (www.kasargodvartha.com 14.02.2018) കാറുകള്‍ കൂട്ടിയിടിച്ചതിനെ തുടര്‍ന്ന് ഗുരുതരമായി പരിക്കേറ്റ് ആശുപത്രിയില്‍ പ്രവേശിപ്പിച്ച ഗൃഹനാഥന്‍ മരിച്ചു. ചെറുവത്തൂര്‍ പൊന്മാലത്തെ വി. കണ്ണന്‍നായര്‍- ടി.വി നാരായണി ദമ്പതികളുടെ മകന്‍ ടി.വി രാമകൃഷ്ണനാണ് (67) ആശുപത്രിയില്‍ മരിച്ചത്. ഫെബ്രുവരി രണ്ടിന് ആരിക്കാടിയില്‍ വെച്ചാണ് അപകടമുണ്ടായത്. രാമകൃഷ്ണനും കുടുംബവും സഞ്ചരിക്കുകയായിരുനന് ആള്‍ട്ടോ കാറും എതിരെ നിന്നും വരികയായിരുന്ന സ്വഫ്റ്റ് കാറുമാണ് കൂട്ടിയിടിച്ചത്.

അപകടത്തില്‍ എട്ട് പേര്‍ക്ക് പരിക്കേറ്റിരുന്നു. ഭാര്യ: പി. രുഗ്മിണി (ജില്ലാ ബാങ്ക് പടന്ന ശാഖ). മക്കള്‍: രേഷ്മ, റോഷ്ന. മരുമക്കള്‍: മനോജ് തായിനേരി, സതീശന്‍ വെള്ളൂര്‍.