മൂന്നു മാസമായിട്ടും രജിസ്‌ട്രേഷന്‍ നടത്താതെ ഓടുകയായിരുന്ന ബെന്‍സ് കാര്‍ പിടിയില്‍; 8 ലക്ഷം രൂപ പിഴ

കാസര്‍കോട്: (www.kasargodvartha.com 10.08.2017) മൂന്നു മാസമായിട്ടും രജിസ്‌ട്രേഷന്‍ നടത്താതെ ഓടുകയായിരുന്ന ബെന്‍സ് കാര്‍ വാഹനപരിശോധനക്കിടെ പോലീസ് പിടികൂടി. ഉടമസ്ഥനായ പാണലം സ്വദേശിയായ ഗള്‍ഫുകാരന് എട്ടു ലക്ഷത്തോളം രൂപ പിഴയിട്ടു.

കഴിഞ്ഞ ദിവസമാണ് വാഹനപരിശോധനക്കിടെ കാറിനെ പോലീസ് കൈകാണിച്ചത്. തുടര്‍ന്ന് നടത്തിയ പരിശോധനയില്‍ വാഹനമെടുത്ത് മൂന്നു മാസം കഴിഞ്ഞതായും 17,000 കിലോമീറ്റര്‍ ഓടിയതായും കണ്ടെത്തി. എന്നാല്‍ കാര്‍ രജിസ്റ്റര്‍ ചെയ്തിരുന്നില്ല. ഇതോടെ വിവരം പോലീസ് കാസര്‍കോട് ആര്‍ ടി ഒയ്ക്ക് കൈമാറുകയായിരുന്നു. തുടര്‍ന്നാണ് പിഴയടക്കാന്‍ ആര്‍ ടി ഒ നടപടിയെടുത്തത്.

Photo: File