2,674 പാക്കറ്റ് പാന്‍മസാലകളുമായി വ്യാപാരി അറസ്റ്റില്‍

ബദിയടുക്ക: (www.kasargodvartha.com 28.06.2017) 2,674 പാക്കറ്റ് നിരോധിത പാന്‍മസാലകളുമായി വ്യാപാരിയെ പോലീസ് അറസ്റ്റു ചെയ്തു. ബദിയടുക്ക മുണ്ട്യത്തടുക്കയിലെ പള്ളത്തെ എ.കെ മുഹമ്മദിനെ (55)യാണ് പോലീസ് അറസ്റ്റു ചെയ്തത്. ഇയാളുടെ പലചരക്കുകടയിലെ അകത്ത് പെട്ടിക്കുള്ളിലാക്കി ഒളിപ്പിച്ചു വെച്ച നിലയിലാണ് പാന്‍മസാലകള്‍ കണ്ടെടുത്തത്.

മാരുതി, മധു, തൈനി, കൂള്‍ എന്നീ പാന്‍മസാലകളാണ് പിടികൂടിയത്. ബദിയടുക്ക എസ് ഐ കെ.ആര്‍ അമ്പാടി, പോലീസുകാരായ ശ്രീരാജ്, സുജേഷ് തുടങ്ങിയവരുടെ നേതൃത്വിത്തിലാണ് പാന്‍മസാല പിടികൂടിയത്.