മള്ഹര്‍ ചെയര്‍മാന്‍ പൊസോട്ട് തങ്ങള്‍ അന്തരിച്ചു; ഖബറടക്കം മള്ഹറില്‍ വൈകീട്ട്

മഞ്ചേശ്വരം: (www.kasargodvartha.com 26/09/2015) മള്ഹര്‍ വിദ്യാഭ്യാസ സ്ഥാപനങ്ങളുടെ ചെയര്‍മാന്‍ പ്രമുഖ പണ്ഡിതനും എസ് വൈ എസ് സംസ്ഥാന ട്രഷററും ജാമിഅ സഅദിയ്യ വൈസ് പ്രസിഡണ്ടുമായ ഖാസി സയ്യിദ് മുഹമ്മദ് ഉമറുല്‍ ഫാറൂഖ് അല്‍ ബുഖാരി (പൊസോട്ട് തങ്ങള്‍-53) അന്തരിച്ചു. മൃതദേഹം വൈകീട്ട് അഞ്ചു മണിയോടെ മള്ഹറില്‍ ഖബറടക്കും.

ശനിയാഴ്ച പുലര്‍ച്ചെ രണ്ട് മണിയോടെ കോഴിക്കോട് സ്വകാര്യാശുപത്രിയില്‍ വെച്ചായിരുന്നു അന്ത്യം. സഹോദരനും എസ്.എം.എ സംസ്ഥാന പ്രസിഡന്റുമായ സയ്യിദ് ഖലീല്‍ ബുഖാരിയുടെ നേതൃത്വത്തില്‍ വെകിട്ട് മയ്യിത്ത് നിസ്‌കാരം നിര്‍വ്വഹിച്ച ശേഷം മള്ഹര്‍ പരിസരത്ത് ഖബറടക്കും.