മയക്കു ഗുളികകളും ഇംജക്ഷനുമായി മെഡിക്കല്‍ സ്‌റ്റോര്‍ ജീവനക്കാരന്‍ അറസ്റ്റില്‍

കാസര്‍കോട്: (www.kasargodvartha.com 20.08.2014) 30 മയക്കു ഗുളികകളും 12 മയക്കു ഇംജക്ഷന്‍ മരുന്നുമായി യുവാവിനെ ടൗണ്‍ പോലീസ് അറസ്റ്റു ചെയ്തു. മുളിയാര്‍ മുതലപ്പാറയിലെ അബ്ദുല്‍ ആഷിഫാണ് (24) അറസ്റ്റിലായത്. രഹസ്യ വിവരത്തെ തുടര്‍ന്ന് ചൊവ്വാഴ്ച കാസര്‍കോട് മെഹ്ബൂബ് തിയേറ്ററിനടുത്തുവെച്ചാണ് ഇയാളെ പോലീസ് അറസ്റ്റു ചെയ്തത്.

കാസര്‍കോട് നഗരത്തിലെ ഒരു മെഡിക്കല്‍ സ്‌റ്റോറിലെ ജീവനക്കാരനാണ് ആഷിഫ്. ഡോക്ടറുടെ സര്‍ട്ടിഫിക്കറ്റുണ്ടെങ്കില്‍ മാത്രം രോഗികള്‍ക്ക് വില്‍പന നടത്തുന്ന ഇവ മയക്കു മരുന്ന് ഉപഭോക്താക്കള്‍ക്കു അബ്ദുല്‍ ആഷിഫ് നേരിട്ട് വില്‍പന നടത്തിവരികയായിരുന്നുവെന്ന് പോലീസ് പറഞ്ഞു. ആംപിയോള്‍ എന്ന പേരിലുള്ള ഇംജക്ഷനാണ് പ്രതിയില്‍ നിന്നു പിടികൂടിയതെന്നും പോലീസ് പറഞ്ഞു. പ്രതിയെ കൂടുതല്‍ ചോദ്യം ചെയ്തു വരുന്നു.